| e-texts navigator |
| Wylie |
253b1 པ་དེ།། རྟོགས་པའི་ཚུལ་དུ་དེ་བཤད་དོ།། རང་བྱུང་རང་ལ་ཤར་བ་དེ།། གྲོལ་བའི་དགོངས་པ་དྲི་མེད་ཡིན།། དྷརྨ་ཀ་ལ་སྭ་སྟི་མ་ཡ།། མགྲིན་པའི་རྩ་ལ་འོད་འཕྲོས་པ།། དེ་ནི་ལོངས་སྐུའི་བཞུགས་གནས
253b2 ཡིན།། འགྱུ་བ་འོད་གསལ་རྟོག་མེད་དེ།། དེ་ནི་ལོངས་སྐུའི་བཞུགས་ཚུལ་ཡིན།། འགྱུ་བ་རང་གྲོལ་ཆེན་པོ་དེ།། དེ་ནི་རང་གྲོལ་དགོངས་པ་ཡིན།། འདུ་འབྱུང་སྒོ་ལྔའི་དཀྱིལ་འཁོར་དེ།། དེ་ནི་སྦྲུལ་སྐུའི་བཞུགས
253b3 གནས་ཡིན།། ཡོན་ཏན་རྣམ་པ་སྣ་ཚོགས་པ།། བཞུགས་གནས་ཆེན་པོ་དེ་ཡིན་ནོ།། ཐམས་ཅད་འགྱུ་བ་ཤར་བ་དེ།། རྟོགས་པའི་རྟོགས་ཚུལ་ཆེན་པོ་ཡིན།། འགྱུས་ནས་རང་སར་གྲོལ་བ་དེ།། གྲོལ་བའི་དགོངས་པ
253b4 ཞེས་སུ་བརྗོད།། དེ་ནི་མཆོག་གི་སྐུ་གསུམ་ཡིན།། ཞེས་གསུངས་སོ།། ལྷ་མ་ཡིན་གཡུལ་ངོ་བཟློག་པའི་རྒྱུད་ལས། འབྲས་བུ་རང་ས་བསྟན་པའི་ལེའུ་སྟེ་དགུ་པའོ།། །། དེ་ནས་ཡང་དག་བཤད་བྱ་བ།། ཉོན
253b5 ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། འབྲས་བུ་ཐོབ་པར་བྱེད་པ་ལ།། སྤྱོད་བྱའི་ཐབས་ཀྱི་གནད་དགོས་པས།། སྤྱོད་ཐབས་ཁྱོད་ལ་བསྟན་པར་བྱ། ཁྱོད་ནི་དང་བའི་ཡིད་ཀྱིས་ཉོན།། དམ་མེད་རྣམས་ལ་བསྟན་གྱུར
253b6 ན།། དུམ་པ་རི་ལ་འཁོར་བ་ལྟར།། རང་ཕུང་ནགས་ཚལ་བརླག་པར་འགྱུར།། ཚུལ་འཆོས་བྱེད་ཅིང་འོག་བྲུས་བྱེད།། ཞེ་འདོད་ཁ་ལ་སྐུར་འདེབས་པ།། དེ་འདྲའི་ལག་ཏུ་འདི་བསྟན་ན།། རང་གཞན་གཉིས་ཀ་དམྱལ
iiif viewer powered by OpenSeadragon
