| e-texts navigator |
| Wylie |
253a1 དང་།། སྣང་བ་ཉམས་ཐོག་ཤོར་བ་རྣམས།། འབྲས་བུ་བློ་སྣང་ཡུལ་དུ་ཤར།། འབྲས་བུ་ཕྱི་དུས་འདེབས་བྱེད་པ།། ཡང་དག་དོན་ལ་གོལ་བ་ཡིན།། གཉིས་མེད་རང་གྲོལ་བསྒྲིབས་པ་ཡིན།། ཡེ་གྲོལ
253a2 གཞི་རྫོགས་གདེང་མ་རྙེད།། དེས་ན་གནད་དང་ལོག་གནོན་གེགས་སེལ་གསུམ།། དེ་གསུམ་མི་ལྡན་འབྲས་བུ་སྟོར།། ཉི་མ་འདོད་ལ་ཟླ་སྟོན་འདྲ།། ཐུགས་རྗེའི་འོད་ཟེར་འབྱུང་མི་འགྱུར།། ཞེས་གསུངས་སོ།། ལྷ་མ
253a3 ཡིན་གཡུལ་ངོ་བཟློག་པའི་རྒྱུད་ལས། འབྲས་བུ་གེགས་སེལ་གྱི་ལེའུ་སྟེ་བརྒྱད་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། འབྲས་བུ་འབྲས་བུ་ཞེས་བྱ་བ།། ཐུན་མོང
253a4 ཁྱད་པར་མཆོག་དང་གསུམ།། དེ་གསུམ་གནད་ཤེས་ཤིན་ཏུ་དཀའ།། ཐུན་མོང་འབྲས་བུ་སྐུ་གསུམ་སྟེ།། དེ་ཡི་ངོ་སྤྲོད་བསྟན་པར་བྱ།། ཆོས་སྐུ་སྐྱེ་བ་མེད་པ་ཡིན།། རྒྱལ་བ་ལོངས་སྐུ་དེ་ཡི་རྩལ།། དེ་ཡི་སྣང་བ་སྦྲུལ
253a5 སྐུའོ།། ཁྱད་པར་རང་གི་རྒྱུད་ལས་ཤར།། ཅིར་སྣང་མ་འགགས་སྤྲུལ་པའི་སྐུ།། དེར་སྣང་ཐམས་ཅད་ལོངས་སྐུ་ལ།། དབྱེར་མེད་ཆོས་སྐུ་ཀུན་ཁྱབ་ཡིན།། དེས་ནི་གདམས་པའི་སྐུ་གསུམ་མོ།། རྟགས་ཀྱི་སྐུ་གསུམ
253a6 བསྟན་པ་ནི།། སྙིང་ག་ཆོས་སྐུ་རང་ཆས་རྟགས།། རིན་ཆེན་ཕོ་བྲང་རང་ལ་སྣང་།། དེ་ནི་ཆོས་སྐུའི་བཞུགས་གནས་ཡིན།། རིག་པ་ཡེ་དག་དངོས་མེད་དེ།། བཞུགས་པའི་ཚུལ་དུ་དེ་བཤད་དོ།། ཤེས་རབ་དྲི་མེད་དག
iiif viewer powered by OpenSeadragon
