| e-texts navigator |
| Wylie |
252b1 ལ་རང་བཞིན་མེད་པའོ།། དཔེ་ནི་མར་མེ་རྒྱ་མཚོ་འདྲ།། ནམ་མཁའ་ལ་ནི་གཞའ་ཚོན་ནོ།། དེ་ལ་ལོག་གནོན་གནད་མེད་ན།། བྱིང་རྒོད་རྐྱེན་ཐུབ་ཤིན་ཏུ་དཀའ།། གནད་དང་ལོག་གནོན་ངོ་སྤྲད་ན།། གོང་མ་ཤུགས
252b2 ལས་འབྱུང་བར་འགྱུར།། དཔེར་ན་རྟ་རྒྱུག་སྒྲོག་ཆོད་ལྟར།། ཐམས་ཅད་ཤུགས་ལས་ཆོད་པར་འགྱུར།། ཞེས་གསུངས་སོ།། ལྷ་མ་ཡིན་གཡུལ་བཟློག་གི་རྒྱུད་ལས། བསྒོམ་པའི་གནད་དང་ལོག་གནོན་གེགས་སེལ
252b3 གྱི་ལེའུ་སྟེ་བདུན་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། དམ་ཚིག་མེད་པའི་གང་ཟག་ལ།། འབྲས་བུ་བསྟན་པ་ཤིན་ཏུ་དཀའ།། ནགས་ཀྱི་གསེབ་ནས་མེ་བྱུང
252b4 བས།། རང་ཡང་བསྲེགས་ལ་གཞན་ཡང་བསྲེག། འཇིག་རྟེན་འདིར་ཡང་ཚེ་ཐུང་ཞིང་། ཁ་དབང་ཆུང་ཞིང་ཡ་ག་འོང་།། ནད་ཀྱང་རྣམ་པ་སྣ་ཚོགས་འབྱུང་།། འབྱུང་པོའི་གདོན་གྱི་དབང་དུ་འགྲོ།། སྤྲོ་འབོག་དྲག་པོས
252b5 འདེབས་པར་འགྱུར།། དེས་ན་བསྟན་པ་རབ་ཏུ་དཀའ།། འབྲས་བུ་ཡེ་ཤེས་ཟང་ཐལ་དེ།། དུས་ཀྱིས་བསྒྲིབས་པས་རྐྱེན་ཁར་འཆོར།། གཞི་མོ་ལམ་དུ་མ་བསླངས་པས།། འབྲས་བུ་རྐྱེན་ཁར་ཤོར་བ་ཡིན།། དུས་ལ
252b6 ལྟོས་པས་གང་ཟག་རྣམས།། འབྲས་བུ་མ་བསྒྲིབས་དུས་ཀྱིས་བསྒྲིབས།། དུས་ལ་ལྟོས་པས་ཐོབ་མི་སྲིད།། འབྲས་བུ་གཞི་ཐོག་ཤོར་བ་དང་།། ཐ་སྙད་ཚིག་ཐོག་ཤོར་བ་དང་།། རིན་ཆེན་དཔེ་ཐོག་ཤོར་བ
iiif viewer powered by OpenSeadragon
