| e-texts navigator |
| Wylie |
251b1 གསུངས་སོ།། ལྷ་མ་ཡིན་གཡུལ་ཟློག་གི་རྒྱུད་ལས། དམ་ཚིག་ཤེལ་གྱི་ལུ་གུ་རྒྱུད་དུ་བསྟན་པ་དང་གཡུ་ཕྲེང་མེས་སྲེག་པ་བསྟན་པའི་ལེའུ་སྟེ་ལྔ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ
251b2 ཆོས་ཀྱི་བློ་གྲོས་ཁྱོད།། དེ་ལྟར་ཐུབ་པའི་རྟགས་དག་ལ།། ཐུབ་ན་ངེས་པ་འདི་བསྟན་ནོ།། མི་ཐུབ་པར་ནི་གྱུར་པ་ན།། བསྐལ་པ་སྟོང་གི་མུན་པ་ལ།། སྒྲོན་མེ་འདེགས་པར་མ་གསུངས་སོ།། རིན་ཆེན་གཏེར་གྱི་སྒོ་མ
251b3 ཕྱེད།། དེས་ན་བརྟགས་ནས་ཐུབ་སྲིད་ན།། རིན་ཆེན་སྲོག་པས་ཕངས་ཏེ་བྱིན།། གལ་ཏེ་མ་བྱིན་ཆད་པ་འོང་།། གལ་ཏེ་མ་བརྟགས་པར་བྱིན་ན།། དེ་ཡིས་གདམས་པ་མ་ཐུབ་ན།། སྦལ་པ་རྨ་ཅན་ཇི་བཞིན་དུ།། རང
251b4 ཕུང་གཞན་ཡང་བརླག་པར་འགྱུར།། གལ་ཏེ་དམ་ཚིག་ཐུབ་པ་ན།། ནམ་མཁའ་རྒྱ་ཆེ་ཁབ་མིག་གང་།། བྱ་བརྒྱ་ཐལ་མོ་བརྡབ་གཅིག་ཡིན།། མདུང་རྩེ་བརྒྱ་ཡང་སྒོ་བ་གང་།། དེ་བཞིན་གཡུལ་ངོར་རལ་ཐབས
251b5 གཅིག། འཁོར་བའི་གཡུལ་ངོ་རང་གྲོལ་རིག། དེས་ན་ལྷ་མིན་གཡུལ་བཟློག་ཡིན།། ལྟ་བའི་ངོ་བོ་ངོ་སྤྲོད་དང་།། ལྟ་བའི་ངེས་ཚིག་ངོ་སྤྲོད་དང་།། ལྟ་བའི་དབྱེ་བའི་ངོ་སྤྲོད་དང་།། ལྟ་བའི་མཐུན་དཔེའི་ངོ་སྤྱོད
251b6 དང་།། དེ་ཡི་ལོག་གནོན་ངོ་སྤྱོད་དོ།། ངོ་བོ་རྐྱེན་མེད་ཟང་ཐལ་ཡིན།། ངེས་ཚིག་དྲི་མེད་རྣམ་དག་ཡིན།། དབྱེ་བ་སྐྱེ་བ་མེད་པ་དང་།། རྣམ་དག་བརྗོད་དུ་མེད་པ་ཞེས་སུ་གྲགས།། མཐུན་དཔེ་ནམ་མཁའ་དང
iiif viewer powered by OpenSeadragon
