| e-texts navigator |
| Wylie |
251a1 ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་བློ་གྲོས་ཁྱོད།། དེ་ཡི་དམ་ཚིག་བསྟན་པ་ནི།། སློབ་དཔོན་སྐུ་གསུང་ཐུགས་དག་གི། དམ་ཚིག་ཐུབ་པར་མ་བསྲུངས་ན།། རྡོ་རྗེ་དམྱལ་བར་ལྟུང་བར
251a2 འགྱུར།། མཆེད་ཀྱི་དམ་ཚིག་བཀའ་ཕྲལ་ན།། དམྱལ་ཚོགས་འཇིག་རྟེན་འཚོད་པར་འགྱུར།། རྡོ་རྗེ་སློབ་དཔོན་དམ་ཚིག་ནི།། སྐུ་ཡི་དྲི་མ་མལ་སྟན་ལ།། ནམ་ཡང་འགོམ་པར་མི་བྱའོ།། སློབ་དཔོན་ལུས་ནི་དཀྱིལ
251a3 འཁོར་ཡིན།། དཀྱིལ་འཁོར་འགོངས་པས་དངོས་གྲུབ་མེད།། མནར་མེད་དམྱལ་བའི་ཡུལ་དུ་སྐྱེ།། ཕུང་པོ་ལྔ་ནི་རིགས་ལྔ་ལ།། དུག་ལྔ་ཡེ་ཤེས་ལྔ་དང་ལྡན།། སྤྱིར་ནི་བླ་མ་རྗེ་ལ་གནས།། དབུ་སྐྲ་མཁའ་འགྲོ་བྱེ་བ
251a4 གནས།། ཐུགས་ལ་རྡོ་རྗེ་མི་བསྐྱོད་པ།། དེ་ལྟར་རྟོགས་པས་དམ་ཚིག་བསྲུངས།། ལུང་དུ་བསྟན་པ་ཁྱོད་ལ་འདུད།། བླ་མའི་གསུང་དབྱངས་དྲུག་ཅུ་ལ།། མཁའ་འགྲོ་དྲུག་ཅུ་རྩ་གཉིས་གནས།། ངག་བཅག་རྡོ་རྗེའི
251a5 ཁབ་ལྷུང་ནས།། བསྐལ་པར་བརྡུངས་ཤིང་འཚོད་པར་འགྱུར།། བླ་མའི་ཐུགས་ལ་ཆོས་མིན་སྐུ།། ཕྱི་ནང་མེད་པའི་ཟང་ཐལ་གནས།། བླུན་གཏམ་ཀུ་རེ་ལ་སོགས་པས།། ཐུགས་དཀྲུགས་པར་ནི་གྱུར་པ་ན།། ངེས
251a6 པར་རྡོ་རྗེ་དམྱལ་བའི་ཁམས།། མནར་མེད་པར་ཡང་ལྟུང་བར་འགྱུར།། མཆེད་ཀྱི་དམ་ཚིག་མིག་དང་འདྲ།། སློབ་དཔོན་དམ་ཚིག་སྲོག་དང་འདྲ།། དེས་ན་ཕམ་ལྟུང་རབ་ཏུ་ཆེ།། ཐུབ་ན་རྡོ་རྗེའི་སྐུ་ཐོབ་འགྱུར།། ཞེས
iiif viewer powered by OpenSeadragon
