| e-texts navigator |
| Wylie |
250b1 ཡིན།། ཐེག་པ་རྣམ་པ་དགུ་རྣམས་ནི།། བསྡུ་བའི་སྒོ་ནས་བཤད་པ་ཡིན།། ཐེག་པའི་རང་གཞུང་སྒྲུབ་བྱེད་པ།། ཉེ་བའི་སྒོ་ནས་བཤད་པ་ཡིན།། ཤིན་ཏུ་ཉེ་བར་ངོ་སྤྲད་པས།། ཐེག་པ་གཅིག་ཏུ་བསྟན་པ་ཡིན།། དེ་ལ
250b2 དཔེ་ཡི་ཐེག་པ་དང་།། རྟགས་དང་དོན་དང་གསུམ་དུ་འདུས།། དེ་གསུམ་ངེས་པར་གཅིག་ཏུ་འདུས།། གཅིག་པོ་བྱིན་གྱིས་རླབས་སུ་འདུས།། བྱིན་རླབས་རང་བྱུང་རང་ལ་འདུས།། དེ་ཡང་མཚོན་པ་བརྡ་ཡི་བྱིན
250b3 རླབས་དང་།། མཐུན་པ་དཔེ་ཡི་བྱིན་རླབས་དང་།། རང་ཆས་རྟགས་ཀྱི་བྱིན་རླབས་དང་།། ཡང་དག་དོན་གྱི་བྱིན་རླབས་སོ།། དེ་ཡང་བྱིན་གྱིས་རློབ་པ་དང་།། བྱིན་གྱིས་རླབས་དང་ལྡན་པ་དང་།། ལྡན་དབང་འཕེལ
250b4 འགྲིབ་བྱུང་བ་དང་།། འཕེལ་འགྲིབ་མེད་པར་བསྟན་པའོ།། དེ་ཡང་ཐུགས་རྗེའི་བྱིན་རླབས་དང་།། གསང་བ་སྔགས་ཀྱི་བྱིན་རླབས་དང་།། ནུས་པ་རིག་པའི་བྱིན་རླབས་དང་།། ཆོས་སྐྱོང་མཁའ་འགྲོའི་བྱིན་རླབས
250b5 དང་།། དེ་ཡང་བརྟན་དང་མི་བརྟན་པ།། གདམས་པའི་སྟོབས་དང་མི་ལྡན་ན།། ཉི་མ་སྤྲིན་གྱི་གོ་བར་འདྲ།། བར་ཆོད་བདུད་ཀྱིས་བྱིན་བརླབས་ན།། འཁོར་དུ་ལྟས་ངན་སྣ་ཚོགས་འབྱུང་།། དབང་བསྐུར་བགེགས
250b6 བསྐྲད་མ་བྱས་ན།། སྒྲོ་འབོག་བརྒྱལ་ནད་དག་གིས་འཆི།། དེས་ན་དྲོད་ཚད་དབབ་པ་དཀའ།། ཞེས་གསུངས་སོ།། ལྷ་མ་ཡིན་གཡུལ་ཟློག་གི་རྒྱུད་ལས། ཆོས་ཀྱི་ངོ་སྤྱོད་བསྟན་པའི་ལེའུ་སྟེ་བཞི་པའོ།། །། དེ
iiif viewer powered by OpenSeadragon
