| e-texts navigator |
| Wylie |
250a1 མཆེད།། དངོས་པོ་སྣ་ཚོགས་དངོས་མེད་མཆེད།། ཆོས་ཅན་འཁོར་བ་ཆོས་མིན་མཆེད། ཁམས་གསུམ་སེམས་ཅན་སྐུ་གསུམ་མཆེད།། སྣ་ཚོགས་མ་འགགས་ཉག་གཅིག་མཆེད།། ཐམས་ཅད་འབྲེལ
250a2 པས་མཆེད་ཅེས་བྱ།། མཆེད་ཀྱི་རྩ་བ་མཆོད་ན།། དམ་ཚིག་གཞུང་བསྲང་ཤིན་ཏུ་དཀའ།། དམ་པ་བླ་མའི་གདམས་ངག་ཡིན།། ཚིག་ནི་ངོ་སྤྲོད་རིན་པོ་ཆེ།། དབང་རྣམས་མ་ལུས་དུས་གཅིག་བསྐུར།། དབང་རྣམས
250a3 བསྐུར་བའི་སློབ་བུ་ཡིས།། དམ་ཚིག་དབང་བསྐུར་ཐུབ་པར་གྱིས།། དམ་པའི་གདམས་ངག་ཐབས་སུ་ཤེས།། རྟོགས་པའི་ཤེས་རབ་དབང་གི་མཆོག། རང་ལ་ཡོད་པ་གསང་བ་ལས།། ཡེ་ནས་ཡོད་པ་ཡེ་ཤེས
250a4 དབང་།། ཐམས་ཅད་གཅིག་ཏུ་ཤེས་པས་སྣང་སྲིད་བུམ་པ་ཡིན།། མ་ལུས་རང་སྣང་འགག་མེད་བུམ་པའི་དབང་།། སློབ་དཔོན་སློབ་བུ་མཆེད་རྣམས་དུས་གཅིག་རྫོགས།། དམ་ཚིག་དེ་ལས་འདས་ན་འཁོར་བར
250a5 འཁྱམས།། ཞེས་གསུངས་སོ།། ལྷ་མ་ཡིན་གཡུལ་ཟློག་གི་རྒྱུད་ལས། མཆེད་ཀྱི་ངོ་སྤྲོད་དང་དམ་ཚིག་དབང་གི་ལེའུ་སྟེ་གསུམ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས
250a6 ཁྱོད།། ཆོས་ཀྱི་བརྟག་ཚུལ་བསྟན་པར་བྱ།། ཉོན་མོངས་བརྒྱད་ཁྲི་བཞི་སྟོང་ལ།། གཉེན་པོར་དགོངས་དང་བསྡུ་བ་དང་།། ཉེ་བར་བསྡུས་ཏེ་དྲིལ་ལ་བཤད།། ཆོས་ཉིད་སྟོང་པ་གཉེན་པོའི་སྒོ་ནས་བཤད་པ
iiif viewer powered by OpenSeadragon
