| e-texts navigator |
| Wylie |
24b1 རིགས་སམ་སྨད་འཚོང་རིགས།། ཕྱག་དར་ཁྲོད་པའི་རིགས་ཀྱང་རུང་།། རིགས་ངན་གང་དག་སུ་ཡིན་ཀྱང་།། གསང་བའི་མན་ངག་བཅུད་འདི་གཏད།། རྒྱུ་ཆུང་ཡོ་བྱད་མེད་པ་ན།། རང་གིས་ཡོ་བྱད་སྦྱར་ནས
24b2 ཀྱང་།། ལྷག་མ་མེད་པར་རབ་ཏུ་སྦྱིན།། གསང་བའི་བཅུད་གསུམ་མན་ངག་འདི།། རིགས་དང་ཁ་དོག་བརྟགས་ཐབས་རྣམས།། ང་ནི་མྱ་ངན་འདས་འོག་ཏུ།། གསང་བའི་མན་ངག་ཡང་བཅུད་འདི།། ངེས་པའི་རྒྱལ
24b3 པོ་འདི་ལྟར་བསྟན།། དེ་རྣམས་ལྡན་པའི་སྐྱེས་བུ་ལ།། གོང་གི་གདམས་ངག་བསྟན་པར་བྱའོ།། ཞེས་ནོར་བུ་ཕྲ་བཀོད་ཆེན་པོའི་རྒྱུད་གསང་བ་ཆེན་པོ་ལས། གསང་སྔགས་སྦྱིན་པའི་སྣོད་བསྟན་པའི་ལེའུ་སྟེ་བརྒྱད
24b4 པའོ།། །། དེ་ནས་ཡང་འཁོར་ཆེན་པོ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ།། ཡང་དག་པར་རྫོགས་པའི་སངས་རྒྱས་ཀྱི་དགོངས་པའི་དོན་ཅི་ལྟ་བུ་ལགས་ལུང་བསྟན
24b5 དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། ཨེ་མ་ཧོ། འདུས་པའི་འཁོར་ཆེན་པོ་རྣམས། ཡང་དག་པར་རྫོགས་པའི་སངས་རྒྱས་ཀྱི་བལྟ་བ་རང་བྱུང་གི་ཡེ་ཤེས་ནི་དངོས་པོ་གང་གི་ཡང་ཕྱོགས་སུ་མ་ལྷུང
24b6 བར་སྣང་བའི་དུས་ན། གང་ལྟར་ཡང་བལྟ་ཞིང་སྣང་བའོ།། རང་སྣང་གི་སྐུ་བསམ་པ་ལས་འདས་ཏེ། མངོན་སུམ་གྱི་ཡུལ་སྣང་བ་མ་བཀོད་པར་སྣང་བའོ།། རྒྱན་དམ་པ་ཡེ་ཤེས་ཀྱི་སྐུ་འོད་དང་ཟེར་དུ་སྣང
iiif viewer powered by OpenSeadragon
