| e-texts navigator |
| Wylie |
24a1 པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རྫོགས་ཆེན་མན་ངག་གསང་དོན་འདི།། རང་དགར་བསྟན་པ་མ་ཡིན་ཏེ།། ངེས་པའི་ལུང་རྒྱལ་ཁུ་བྱུག་མཆོག། འདི་ཉིད་བསྟན་པའི་གང་ཟག་རྣམས།། རིགས
24a2 དང་སྤྱོད་ལམ་ཆེན་པོ་དང་། ཁ་དོག་མཚན་ཉིད་གསུང་དུ་གསོལ།། དེ་ནས་བཅོམ་ལྡན་རྡོ་རྗེ་འཆང་།། ཏིང་ངེ་འཛིན་ལས་བཞེངས་ནས་ནི།། ཁྱད་པར་འཁོར་ལ་བཀའ་སྩལ་པ།། ཀྱེ་མ་ཁྱད་པར་འཁོར་ཚོགས
24a3 ཉོན།། ང་ཡིས་བསྟན་གྱིས་ལེགས་པར་ཉོན།། རིགས་ཀྱི་ཁྱད་པར་འདི་ལྟ་སྟེ།། རྒྱལ་རིགས་དང་ནི་བྲམ་ཟེའི་རིགས།། དེ་བཞིན་རྗེ་རིགས་ཆེན་པོ་དང་།། ཁྱད་པར་ཆེན་པོའི་མི་རྣམས་ལ།། གསང་སྔགས་ངེས་དོན
24a4 བསྟན་པར་བྱ།། ཡང་ན་རིགས་མེད་ཁ་དོག་བརྟགས།། ཕོ་མོ་གཉིས་ནི་གང་ཡང་རུང་། ཁ་དོག་འདི་དང་ལྡན་པ་ནི།། རྫོགས་པ་ཆེན་པོའི་སྣོད་དུ་གསུངས།། ཡན་ལག་རགས་ཤིང་ཁ་དོག་གནག། སོ་ཉིད་ཐགས
24a5 བཟང་དཀར་ལ་འགྲིག། མིག་རྩ་ཡིད་ཙམ་དམར་བ་དང་།། སྐྲ་ཡི་མཚན་ཉིད་ཆེན་པོ་ཡང་།། གཡས་སུ་འཁྱིལ་ཞིང་ཁམ་ནག་མདོག། ལུས་ལ་བཀུར་སྟི་ཆུང་བ་དང་།། ཕྱི་ཡི་སྤྱོད་ཡུལ་ཐ་མལ་མདོག། ཚིག་རྣམས
24a6 ཤུགས་འབྱུང་སྨྲ་བ་དང་།། ཡང་ན་ཚིག་གི་རྣམ་པ་ཀུན།། གཅིག་གིས་གང་ལྟར་སྨྲ་བ་ལྟར།། སྐྱེས་བུ་དེ་ཡང་དེ་ལྟར་སྨྲ།། རྫོགས་ཆེན་གདམས་ངག་བསྟན་པར་བྱ།། དེ་རྣམས་གཅིག་ལ་རྫོགས་པ་ན།། ཤན་པའི
iiif viewer powered by OpenSeadragon
