| e-texts navigator |
| Wylie |
248b1 དང་། ཀྲུང་ཉ་དང་། བི་ཧ་ར་ཙ་དང་། ག་རུ་དང་། མ་ཡཱུ་ར་དང་། ཀ་ལནྡ་ཀ་དང་། ཙི་ས་ན་དང་། ཀ་ཀ་དང་། ཀུ་དྷ་དང་། ཀ་ར་ན་དྷ་པ་དང་། རྟགས་གཉིས་པར་འདིར་དཔེ་ཁུངས་དག་རྙེད་ན་བསྔར། ཆོས་འདི་སྒྲ་གཅིག་གྲགས
248b2 པ་ཡིས།། བྱ་རྣམས་དེ་དག་ཐམས་ཅད་ཀྱང་།། རི་རབ་རྩེ་ཡི་དཔག་བསམ་ལས། ཀ་ལ་པ། མུ་ཧུར་ཏ་ལ་བ། གནས་འདིར་འདུས་ན་སྒྲ་སྐད་སྒྲོགས།། བཀའ་འདི་བསྒྲགས་པར་གྱུར་པའི་ཚེ།། དུས་གསུམ་བསྟན་པ
248b3 གཅིག་ལས་མེད།། ཡང་དག་སངས་རྒྱས་ཞིང་ཁམས་སུ།། ཐམས་ཅད་ཀུན་གྱི་མཉམ་པར་གཟིགས།། རྡོ་དང་བོང་བ་ལ་སོགས་པས།། ཐམས་ཅད་ཆོས་མིན་རང་སྒྲ་སྨྲ།། རང་བྱུང་སྒྲ་ཡི་གདངས་དང་བཅས།། ཐུན
248b4 གཅིག་དག་ལ་གོ་བར་གྱུར།། དང་པོར་སྤྲུལ་པའི་སྐུ་མཆོག་ང་།། སྲིད་པ་གསུམ་གྱི་རྩེ་ལ་བབས།། བར་དུ་རི་རབ་སྐེད་ལ་གནས།། ད་ལྟ་རི་རབ་རྩ་བར་འོངས།། ཀུན་ཏུ་བཟང་པོའི་བྱིན་རྒྱུད་ཤར།། སྦྲུལ་སྐུ་ཡོངས
248b5 ལ་ཐུགས་རྒྱུད་བབས།། བྱང་ཆུབ་སེམས་དཔའ་རྣམས་ལ་ནི།། བཀའ་དང་བྱིན་རླབས་ཐུགས་རྒྱུད་སྤྲོ།། རིག་པ་འཛིན་པའི་བྱིན་རླབས་འཆར།། མཆོག་གི་སྤྲུལ་པ་སྐུར་གྱུར་མེད།། དགའ་བོའི་གཙུག་གི་ནོར་བུ
248b6 དེ།། གདུག་པ་ཀླུ་ཡི་དུག་དང་འགྲོགས།། དུག་མེད་པ་ན་ནོར་བུ་མེད།། དུག་ལ་མི་སྐྲག་མི་སྔངས་ན།། ནོར་བུ་རིན་ཆེན་གཏེར་སྒོ་ཕྱེ།། བྱང་ཆུབ་སེམས་དཔའ་ཞེས་བྱ་ཡི།། ཆོས་མིན་སྤངས་པར་སྒྲིབ་པ་ཡིན།། སྒྲིབ
iiif viewer powered by OpenSeadragon
