| e-texts navigator |
| Wylie |
248a1 རྒྱ་གར་སྐད་དུ། ཨ་སུ་ར་ན་ཡུདྡྷ་ནི་རཱ་ཀྲེ་ཏ་ཏནྟྲ་ནཱ་མ། བོད་སྐད་དུ། ལྷ་མ་ཡིན་གཡུལ་ངོ་བཟློག་པའི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ་ཆོས་ལས་འདས་པ། རྟགས་མི་འགྱུར་བའི་སྐུ་རྡོ་རྗེ་ལྟ་བུ
248a2 བདེ་བ་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་བཤད་པའི་དུས།། རྡོ་རྗེ་ཆོས་ཀྱི་བློ་གྲོས་དང་།། མཁའ་འགྲོ་ཉི་མའི་སེང་གེ་དང་།། ཐབས་ཅིག་པ་ཡི་བྱང་སེམས་རྣམས།། ཀླུ་ཡི་རྒྱལ་པོ་འཇོག་པོ
248a3 དང་།། དགའ་བོ་ལ་སོགས་བརྒྱད་པོ་དེ།། བྱང་ཆུབ་སེམས་དཔའ་སྤྲུལ་པའི་སྐུ།། བྱེ་བ་དཔག་མེད་འགྱེད་པ་པོ།། སྤྲུལ་པའི་སྐུ་སྟེ་སྐུ་ཡི་མཆོག། འགྲོ་ཀུན་ཐབས་ཀྱིས་འདུལ་བའི་སྐུ།། རི་རབ་རི་ཡི་རྩ་བ་རུ།། ཤིང
248a4 ཆེན་དཔག་བསམ་རྩ་བ་ལ།། ལྷ་མ་ཡིན་རྣམས་འདུ་བའི་གནས།། གནས་དེར་སྤྲུལ་པ་ཐགས་ཟངས་རིས།། རྡོ་རྗེ་ཆོས་ཀྱི་བློ་གྲོས་ཐུགས་ལས་འཐོན།། ལྷ་ཡི་བུ་ཡི་བདུད་གཞོམ་ཕྱིར།། ལྷ་མིན་གཡུལ་བཟློག་རྒྱུད
248a5 འདི་གསུངས།། ལྷ་མ་ཡིན་རྣམས་རབ་ཏུ་དགྱེས།། སྟོན་པ་ཆོས་ཀྱི་བློ་གྲོས་ཁྱོད།། ལྷ་མིན་བདུད་ལས་རྒྱལ་བའི་ཕྱིར།། ཐུགས་རྗེ་ཆོས་མིན་ཡངས་པ་ནས།། ཆོས་མིན་འཁོར་ལོ་བསྐོར་དུ་གསོལ། ཞེས་ཞུས་པས།།
248a6 དཔག་བསམ་ཤིང་གི་བུམ་པ་ལས། དྷ་ག་པ་ར་ཧ་དང་། ཨ་ནུད་དང་། རྩ་ལི་དང་། བདུད་གུད་དང་། ཤེ་ན་དང་། ཛི་བྷཾ་བ་ཛི་བ་ཀ་དང་། ཙཀྲ་བ་ཀ་དང་། ཤ་ས་རུ་པ་དང་། ཀོ་ཀི་ལ་དང་། ཤི་རི་ཀ་དང་། བ་ཀ
iiif viewer powered by OpenSeadragon
