| e-texts navigator |
| Wylie |
247a1 བསགས་ཀྱང་།། དག་པའི་སྐུ་གཟུགས་གཅིག་གིས་བྱང་།། བདེ་གཤེགས་ཐུགས་ཀྱི་དམ་པ་བསྐང་།། བྱང་སེམས་ལྷ་དང་རྒྱལ་པོ་ཡིས།། སྐྱེ་བ་དག་པའི་ལུས་ཉིད་ཐོབ།། སྲིད་པའི་ལྷ་སྲིན་མང་པོ
247a2 ཡིས།། རྗེ་བོར་མཐོང་སྟེ་འཁོར་དུ་བྱེད།། དམྱལ་བའི་ཚ་གྲང་མང་པོ་ཡང་།། སྐུ་གདུང་གཅིག་གིས་སེལ་བར་བྱེད།། དབུལ་བ་སེལ་ཞིང་ལོངས་སྤྱོད་ལྡན།། འཁོར་ལོ་བསྒྱུར་བའི་རྒྱལ་པོར་སྐྱེ།། ལུས་ཀྱི་སྒྲིབ
247a3 པ་ཐམས་ཅད་སེལ།། ནད་ངན་རིགས་རྣམས་མི་འབྱུང་ཞིང་།། ཤིན་ཏུ་གཞོན་པའི་ལུས་སུ་ཐོབ།། སེམས་ཉིད་སྦྱངས་པའི་ཡོན་ཏན་ནི།། ཐེག་པ་ཆེན་པོའི་ཆོས་རྣམས་ལ།། དམིགས་པ་མེད་པར་བརྗོད་པ
247a4 འོང་།། ཉན་རྒྱུ་མེད་དེ་དོན་ཉིད་རྟོགས།། བཙལ་རྒྱུ་མེད་པར་ལས་རྣམས་འགྲུབ།། བསྒོམ་རྒྱུ་མེད་པར་འབྲས་བུ་འཐོབ།། རང་གི་ཡེ་ཤེས་རང་ལ་སྣང་།། ཆོས་རྣམས་ཐམས་ཅད་ནམ་མཁར་རྟོགས།། སངས
247a5 རྒྱས་ཐམས་ཅད་ལྷུན་གྱིས་གྲུབ།། རང་བཞིན་ཀུན་བཟང་ཆེན་པོ་འཐོབ། སྦྱངས་པའི་ཡོན་ཏན་ཏེ་བཅོ་ལྔ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ
247a6 ལ།། རྒྱུད་འདི་གང་ནས་འབྱུང་ཞིང་གང་ལ་གཏད་པ་ཡིན།། སྟོན་པའི་སྟོན་པ་ཀུན་ཏུ་བཟང་པོ་དེས།། ཆོས་སྐུ་སྤྲོས་དང་བྲལ་བ་ཡིས།། རང་བྱུང་ཡེ་ཤེས་ཆེ་ལ་གཏད།། རང་བྱུང་ཡེ་ཤེས་ཆེན་པོ་དེས།། ཟེར་གྱི་ཀུན
iiif viewer powered by OpenSeadragon
