| e-texts navigator |
| Wylie |
246a1 ཡས་སྐུ།། ཐ་དད་མེད་པར་སྦྱང་བར་བྱའོ།། སྣང་བ་མཐའ་ཡས་སྙིང་པོ་ཡིས།། ཐལ་ཆེན་ཆུ་ལ་རབ་བཏབ་སྟེ།། སྣང་བ་ཆེན་པོའི་སྐུ་རུ་བསྐྱེད།། ཚིལ་ཆེན་མེ་ལ་རབ་བཏབ་སྟེ།། རིན་ཆེན་འབྱུང་ལྡན
246a2 སྙིང་པོ་ཡིས།། རྒྱལ་བའི་སྐུ་རུ་སྐྱེད་པར་བྱེད།། རུས་ཆེན་ས་ལ་རབ་བཏབ་སྟེ།། རྡོ་རྗེ་སེམས་དཔའི་སྙིང་པོ་ཡིས།། རྒྱལ་བའི་སྐུ་རུ་བསྐྱེད་པར་བྱ།། རྩ་ཆེན་རླུང་ལ་རབ་བཏབ་སྟེ།། དོན་ཡོད་གྲུབ་པའི་སྙིང་པོ
246a3 ཡིས།། ཕྲིན་ལས་རྒྱལ་བར་བསྐྱེད་པར་བྱ།། ཤ་ཆེན་མཁའ་ལ་རབ་བཏབ་སྟེ།། རྣམ་པར་སྣང་མཛད་སྙིང་པོ་ཡིས།། རྒྱལ་བའི་སྐུ་རུ་བསྐྱེད་པར་བྱ།། ལུས་ཉིད་བསྲེག་པའི་ཐལ་བ་ཡིས།། འབྱུང་ཆེན་ལྔ་ཡི་རྒྱུ་དག
246a4 ལ།། བདེ་གཤེགས་ཀུན་བཟང་ཆེན་པོ་ཡིས།། སྙིང་པོ་བརྗོད་པས་སྐུ་རུ་བསྐྱེད།། ཉོན་མོངས་མ་སྤངས་དག་པའི་རྟགས།། རིགས་ཀྱི་གཙོ་བོ་ལྔ་རུ་བསྐྱེད།། ཡེ་ཤེས་རྣམ་ལྔ་འཐོབ་པའི་རྒྱུ།། འབྱུང་ཆེན་རྣམ་ལྔ་དག
246a5 པའི་རྟགས།། གཉིས་མེད་རྒྱལ་བའི་སྒྲ་ཆེན་པོ།། ཚེ་འདས་ཐལ་ཆེན་སྦྱངས་པས་ཚོགས་བསགས་པའི་ལེའུ་སྟེ་བཅུ་གསུམ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན
246a6 ཏུ་བཟང་པོ་ལ།། བདེ་གཤེགས་སྐུ་གཟུགས་དེ་དག་ལ།། གནས་ཁང་བརྩིགས་པའི་ཐབས་ཉིད་གང་།། རབ་ཏུ་གནས་པ་ཅི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། གནས་ཁང་བརྩིགས་པའི་རྒྱུ་གསུམ
iiif viewer powered by OpenSeadragon
