| e-texts navigator |
| Wylie |
245b1 ཕྱིར།། རུས་པ་སྦྱང་བ་ཅི་ལྟ་བུ།། སྟོན་པའི་སྟོན་པ་ཀུན་བཟང་གིས།། སྲིད་པའི་རུས་པ་དེ་ཉིད་ཀྱང་།། སྐུ་གསུང་ཐུགས་སུ་སྦྱང་བ་ནི།། སྐུ་རུ་རུས་པ་སྦྱང་བ་ལ།། ལྟ་བ་སྒོམ་པ་སྤྱོད་པ་ཡིས།། རང་བཞིན་གཅིག་ཏུ
245b2 སྦྱང་བར་བྱའོ།། ལྟ་བ་གདེང་དང་ལྡན་པ་ཡིས།། སྲོག་ཆགས་ཤི་བའི་རུས་དེ་ལ།། སྐུ་གསུང་ཐུགས་ཀྱི་ཡིག་འབྲུ་ཡིས།། བྱིན་གྱིས་བརླབས་ཏེ་བསྐོར་བ་བྱ།། ཆོས་ཉིད་སྐྱེ་མེད་གཏན་པ་ལ།། རང་བྱུང་ཡེ་ཤེས་གཏུན
245b3 བུ་ཡིས།། གཉིས་སུ་མེད་པར་བརྡུང་བྱས་ལ།། རྣམ་རྟོག་བག་ཆགས་ཐམས་ཅད་ཀུན།། བྱང་ཆུབ་སེམས་ཀྱི་ཕྱེ་རུ་གནས།། བདེ་གཤེགས་ཐུགས་རྗེ་ཆེན་པོ་ཡི།། ཐུགས་ལས་ཡེ་ཤེས་ཆུ་ཕྱུང་སྟེ།། བྱང་ཆུབ་སེམས་སུ
245b4 རབ་བྲན་ནས།། གཉིས་སུ་མེད་པར་འཇི་བར་འགྱུར།། རང་བྱུང་ཡེ་ཤེས་ལྔ་ཡི་རྩལ།། རྟེན་ཅིང་འབྲེལ་བའི་སྔགས་དེ་ཡིས།། སྐྱེ་བ་མེད་པའི་སྐུ་རུ་འགྱུར།། གཉིས་སུ་མེད་པའི་ལོངས་སྤྱོད་རྫོགས།། སྲིད་པའི་རུས
245b5 པ་སྦྱངས་པས་ཚོགས་བསགས་པའི་ལེའུ་སྟེ་བཅུ་གཉིས་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ལུས་འཕོས་སེམས་ཅན་དེ་དག་ལ།། སྲིད
245b6 པའི་ཐལ་བ་སྦྱང་བ་ཅི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། འབྱུང་བ་ལྔ་ལས་བསྐྱེད་པའི་ལུས་དེ་ཡང་།། ཡེ་ཤེས་འབྱུང་བ་ལྔ་ཡིས་སྦྱང་བར་བྱའོ།། ཡེ་ཤེས་འབྱུང་བ་ཆུ་དེ་ཡིས། ཁྲག་ཆེན་སྣང་བ་མཐའ
iiif viewer powered by OpenSeadragon
