| e-texts navigator |
| Wylie |
245a1 ཕྱིར།། རང་བྱུང་ཡེ་ཤེས་རིག་པ་དེ།། མ་བཙལ་མི་བསྐྱེད་ཡུལ་ལས་བཟློག། འབྱེད་པ་མེད་པའི་ཡེ་ཤེས་ཀྱིས།། ཆོས་རྣམས་ཐམས་ཅད་མཉམ་པར་གཞག། བར་དོའི་སྤྱོད་པས་སྦྱང་བ་མེད།། ཚེ་ལས
245a2 འདས་པའི་རིག་པ་དེ།། ཞག་བདུན་དག་ནས་ལུས་ལ་འཇུག། ལུས་དེ་སྐྱོན་ཉིད་མི་འཛིན་པས།། སྲེད་པའི་སྡུག་བསྔལ་དེ་ཉིད་སྦྱང་བའི་ཕྱིར།། ཚེ་འདས་རིག་པའི་ཤེས་པ་དགུག། དྲི་མ་མིང་དང་རུས་བྲིས
245a3 ལ།། བསྟིམས་ཏེ་སྐྱབས་འགྲོ་ལུས་དབུལ་བྱ།། ལུས་ཀྱི་སྡིག་སྒྲིབ་སྦྱང་བའི་ཕྱིར།། སངས་རྒྱས་བདེ་བ་དཔག་མེད་ལ།། ལུས་འབུལ་ངག་བརྗོད་སེམས་གདུང་ལ།། མཚོན་གྱི་ཡོན་ཏན་མང་པོ་བརྗོད།། ལུས་ངག
245a4 ཡིད་གསུམ་དག་པ་ཡིས།། བརྫུས་ཏེ་སྐྱེ་བའི་ལུས་ཉིད་ཐོབ།། སྦྱིན་དང་མཆོད་པ་མང་པོ་ཡིས།། ལུས་ངག་དགེ་བ་ཅི་ནུས་བྱ།། དམིགས་པ་མེད་པའི་ཚོགས་སུ་བསྔོ།། ཞག་ནི་བདུན་ཚོ་བདུན་དག་ཏུ།། ཞག་གི་དགེ
245a5 བ་ཅི་ནུས་བྱ།། རང་བཞིན་གནས་པའི་སེམས་སྦྱོང་བ།། ཏིང་འཛིན་བརྒྱ་ནི་རྩ་བརྒྱད་ཀྱིས།། སྦྱངས་པས་འབྲས་བུ་ཐོབ་པ་ནི།། ཡོན་ཏན་བརྒྱ་དང་རྩ་བརྒྱད་ཐོབ།། སངས་རྒྱས་ས་ལ་ལྷུན་གྱིས་འགྲུབ།། སེམས་རྣམ
245a6 པ་གསུམ་སྦྱང་བའི་ལེའུ་སྟེ་བཅུ་གཅིག་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། སྲིད་པའི་ལུས་དེ་འཕོས་པ་ལ།། ཡེ་ཤེས་ཚོགས་དེ་བསག་པའི
iiif viewer powered by OpenSeadragon
