| e-texts navigator |
| Wylie |
244b1 དུ་བསྒོམ་པར་བྱའོ།། བར་དོའི་སེམས་ཉིད་སྦྱང་བའི་ཕྱིར།། རང་ཉིད་རྨུགས་པར་གྱུར་པ་ལ། ཁྱད་པར་ཅན་གྱི་བླ་མས་སྦྱང་།། ལྟ་བ་སྤྱོད་པ་སྒོམ་པ་ཡིས།། སྦྱངས་ཏེ་ལམ་ལ་འཇུག་པར་བྱ།། ལྟ་བས་སྦྱང་བ་རྣམ
244b2 གསུམ་སྟེ།། ཆོས་ཉིད་ལྟ་བས་སྦྱང་བ་ནི།། ཆོས་རྣམས་ཐམས་ཅད་ཆོས་སྐུ་སྟེ།། འཁོར་དང་མྱ་ངན་འདས་པ་ཀུན།། ཕྱི་དང་ནང་མེད་ཆོས་ཀྱི་སྐུ།། བཅོས་སུ་མེད་དེ་ནམ་མཁའོ།། ཡེ་ཤེས་ལྟ་བས་སྦྱང་བ་ནི།། ཆོས
244b3 རྣམས་ཐམས་ཅད་གཅིག་པ་ལ།། འདོད་འདི་མེད་ན་ཡེ་ཤེས་སོ།། རྒྱུ་དང་འབྲས་བུ་ཐམས་ཅད་ཀུན།། རིག་པ་མེད་པའི་ཡེ་ཤེས་ཡིན།། ཐུགས་རྗེའི་ལྟ་བས་སྦྱང་བ་ནི།། ང་དང་བདག་ཏུ་སྣང་བ་ཀུན།། ཐ་དད་མེད
244b4 པའི་ཐུགས་རྗེ་ཡིས།། རིག་པའི་ཡེ་ཤེས་ལས་ལ་གཟུད།། བསྒོམ་པས་སྦྱང་བའི་ཐབས་དེ་ནི།། ཆོས་ཉིད་སྟོང་པས་སྦྱང་བ་ན།། རྟོགས་དང་མི་རྟོག་གཉིས་མེད་དེ།། མཚན་མའི་རྣམ་རྟོག་ཅི་བྱུང་ཡང་།། བརྗོད་དུ་མེད
244b5 པའི་ནམ་མཁའ་ལ།། མིང་དང་བྲལ་བར་བསྒོམ་པར་བྱ།། ཐབས་ཀྱི་བསྒོམ་པས་སྦྱང་བ་ནི།། མཚན་མའི་རྣམ་རྟོག་ཐམས་ཅད་ཀུན།། ཡིད་ཀྱི་རྣམ་ཤེས་དག་ལས་བྱུང་།། ཡིད་ཀྱི་རྣམ་ཤེས་རྒྱུན་གཅད་དེ།། བརྗོད
244b6 དང་བྲལ་བའི་ཆོས་ཉིད་བསྒོམ།། ཐུགས་རྗེ་ཐབས་ཀྱི་བསྒོམ་པ་ནི།། ཆོས་རྣམས་ཐམས་ཅད་སྣང་བ་སྟེ།། སྣང་བ་དེ་ལ་མིང་ཆགས་ཏེ།། མིང་ལ་བརྟེན་ནས་ཉོན་མོངས་ཏེ།། ཉོན་མོངས་དེ་རྣམས་བཟློག་པའི
iiif viewer powered by OpenSeadragon
