| e-texts navigator |
| Wylie |
244a1 ཀྱིས་སྦྱང་།། གསུང་ཉིད་རྣམ་རྟོག་བག་ཆགས་ཀུན།། བདེར་གཤེགས་གསུང་གིས་སྦྱང་བར་བྱ།། ལུས་ཀྱི་རྣམ་རྟོག་ཐམས་ཅད་ཀུན།། བདེ་གཤེགས་སྐུ་ཡིས་སྦྱང་བར་བྱ།། སེམས་ཀྱི་རྣམ་རྟོག་ཐམས
244a2 ཅད་ཀུན།། ཆོས་སྐུ་ཆེན་པོས་སྦྱང་བར་བྱ།། ཐོག་མ་མེད་པའི་སྡིག་སྒྲིབ་ཀུན།། ཡེ་ཤེས་འོད་ཟེར་དག་གིས་སྦྱང་།། ཆོས་ཉིད་ཏིང་འཛིན་སྦྱང་བ་ནི།། ཆོས་སྐུ་སྤྲུལ་པའི་ཡུལ་དག་བྲལ།། སྦྲང་དང་མ་སྦྱངས་གཉིས
244a3 མེད་པས།། ཆོས་རྣམས་ཐམས་ཅད་ནམ་མཁར་བསྒོམ།། འཁྲུལ་པའི་ལུས་ཉིད་སྦྱང་བས་ནི།། སྐྱེ་མེད་ལུས་སུ་མངོན་སངས་རྒྱས།། ལུས་སྦྱོང་བ་བསྟན་པའི་ལེའུ་སྟེ་བཅུ་པའོ།། །། སྡུད་པའི་གསང་བདག་རྡོ
244a4 རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། འཁོར་བ་བག་ཆགས་སྣང་བ་ཡི།། སེམས་དེ་སྦྱང་བ་ཅི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སེམས་སྦྱང་བ་ལ་རྣམ་གསུམ་སྟེ།། ཐོག
244a5 མའི་སེམས་ཉིད་སྦྱང་བ་དང་།། བར་དོའི་སེམས་ཉིད་སྦྱང་བ་དང་།། གནས་པའི་སེམས་ཉིད་སྦྱང་བའོ།། ཐོག་མའི་སེམས་ཉིད་སྦྱང་བ་ནི།། རང་བྱུང་ཡེ་ཤེས་སྙིང་པོ་དང་།། རིག་མེད་ནམ་མཁའ་ཡོད་པ
244a6 ལ།། གཡོས་པ་མེད་པའི་ཡོན་ཏན་ལས།། རིག་པའི་ཟེར་ཚོགས་འབུམ་བྱུང་བས།། སྣ་ཚོགས་རིག་པར་གྱུར་པ་ཡིན།། འཁྲུལ་པའི་རིག་པ་འབུམ་ཚོགས་ཤར།། ཐོག་མའི་རིག་པ་བཟློག་པའི་ཕྱིར།། རིགས་མེད་ངང
iiif viewer powered by OpenSeadragon
