| e-texts navigator |
| Wylie |
243b1 ཉིད་སྦྱངས།། ལུས་ཀྱི་རྣམ་རྟོག་བག་ཆགས་ཀུན།། ཆོས་ཉིད་ནམ་མཁའི་ངང་ལ་ཐིམ།། འབྱུང་བའི་མེ་ཡིས་ལུས་ཉིད་བསྲེག། ཡིག་འབྲུ་སྔགས་ཀྱིས་སྦྱང་བ་ནི།། རྐང་མཐིལ་གཉིས་སུ་ཡཾ་གཉིས་བསམ།། གསང
243b2 བའི་སྒོ་རུ་རཾ་བསམ་མོ།། ལྟེ་བར་རིགས་དྲུག་ཡིག་འབྲུ་བསམ།། སྙིང་གར་ཕཊ་ཀྱི་གདན་དག་ལ།། སྐུ་གསུང་ཐུགས་ཀྱི་སྙིང་པོ་བསམ།། ཡཾ་ལས་ཡེ་ཤེས་རླུང་བྱུང་བས།། རཾ་ལས་ཡེ་ཤེས་མེ་སྦར་ནས།། རིགས་དྲུག
243b3 བག་ཆགས་ཐམས་ཅད་བསྲེག། ལུས་དང་ངག་ཡིད་སྐུ་གསུང་ཐུགས་སུ་འགྱུར།། ཕཊ་ཀྱིས་ཆོས་ཉིད་གནས་སུ་འཕང་།། སྐུ་གསུང་ཐུགས་སུ་ལྷུན་གྲུབ་ཐོབ།། ཡེ་ཤེས་ཡིག་འབྲུས་སྦྱང་བའི་གཞི།། སྐྱེ་བ་མེད་པའི
243b4 ཡིག་འབྲུ་ནི།། མཚོན་དུ་མེད་པའི་ཆོས་ཉིད་ཡིན།། གནས་པ་མེད་པའི་ཡིག་འབྲུ་ནི།། འཕོ་འགྱུར་མེད་པའི་ཡེ་ཤེས་ཡིན།། ཤི་བ་མེད་པའི་ཡིག་འབྲུ་ནི།། བརྗོད་དུ་མེད་པའི་ནམ་མཁའ་ཡིན།། སྔགས་ཀྱིས་སྦྱང་བ
243b5 རྣམ་གཉིས་ཏེ།། དག་པའི་སྔགས་དང་མ་དག་སྔགས།། དག་པའི་སྔགས་ཀྱིས་སྦྱང་བ་ནི།། སྒྲ་དང་ཚིག་ཏུ་མ་བརྗོད་ཀྱང་།། ཆོས་རྣམས་ཐམས་ཅད་སྟོང་པར་སྦྱང་།། ཆོས་ཉིད་བདེན་པའི་སྔགས་འདི་ཡིས།། མཚན
243b6 མའི་རྣམ་རྟོག་སྟོང་པར་དག། མ་དག་སྔགས་ཀྱིས་སྦྱང་བ་ནི།། ཆོས་རྣམས་ཐམས་ཅད་སྟོང་པར་སྤྲུལ་པ་སྟེ།། བདེ་གཤེགས་གསུང་གི་སྤྲུལ་པ་ཡིན།། སྐུ་དང་གསུང་དང་ཐུགས་དང་ནི།། ཡོན་ཏན་ཕྲིན་ལས་སྔགས
iiif viewer powered by OpenSeadragon
