| e-texts navigator |
| Wylie |
242b1 ཚིག་ཟུང་དུ་འབྲེལ་པ་ཡིས།། ཆོས་རྣམས་ཐམས་ཅད་བརྗོད་བྱར་མཐོང་།། མཐོང་བའི་དོན་ལ་བློ་ཆགས་པས།། སྣ་ཚོགས་གཟུགས་ཀྱི་སྣང་བར་བྱུང་།། སྣང་བའི་དོན་དེ་འཁྲུལ་པ་ཡིས།། བར་དོ་སྣ་ཚོགས་འཁོར་བ
242b2 ལས།། ཉིན་མཚན་དུས་སུ་ལུས་ཉིད་བྲལ།། འབྲས་བུ་སྡུག་བསྔལ་མི་འདོད་འདུ།། བྱུང་ནས་གནས་པའི་དྲི་མ་ནི།། རང་གནས་ཤེས་པས་རྒྱུ་བྱས་ཏེ།། འབྲས་བུ་རིགས་དྲུག་སྡུག་བསྔལ་མྱོང་།། འདོད་ཆགས་ཞེ་སྡང
242b3 གཏི་མུག་དང་།། ང་རྒྱལ་ཕྲག་དོག་རེ་རེ་ཡིས།། ཉོན་མོངས་སྟོབས་དང་ཡེ་ཤེས་སྟོབས།། སྟོབས་ཀྱི་ཁྱད་པར་རེ་རེ་ལས།། རང་སྟོབས་རང་གནས་འབྲས་བུ་ཐོབ།། བར་དོའི་ཤེས་པ་དེ་དག་ལ།། ཉོན་མོངས་དྲི་མ
242b4 དག་པའི་རྟགས།། འབྲས་བུ་སྨྱུག་ཤད་ལྕུག་མ་ཙམ།། དཀར་ལ་འཚེར་བའི་རྒྱུ་ཉིད་འབྱུང་།། ཉོན་མོངས་སྒྲིབ་པ་དག་པའི་རྟགས། ཁ་དོག་དཀར་པོ་འོད་ཉིད་འབྱུང་།། ཤེས་བྱའི་སྒྲིབ་པ་དག་པའི་རྟགས།། ཤ་རཱི
242b5 རམ་དང་ཉ་རཱི་རམ།། གདུང་ནི་རྒུན་འབྲུམ་ཚད་ཙམ་འབྱུང་། ཁ་དོག་སྡུག་ཅིང་མདངས་ཆེ་བ།། བྱང་སེམས་འབྲས་བུ་ཐོབ་པའི་རྟགས།། གསང་སྔགས་རྣལ་འབྱོར་ལྷ་བསྒོམས་པས།། སྐུ་གདུང་རིང་བསྲེལ་རྣམ་ལྔ
242b6 འབྱུང་།། ཕྱག་རྒྱ་ཐོབ་པས་སྐུ་གཟུགས་འབྱུང་།། གསུང་ཉིད་ཐོབ་པས་སྒྲ་འོད་འབྱུང་།། ཐུགས་ཉིད་ཐོབ་པས་འཇའ་འོད་འབྱུང་།། གསང་སྔགས་འབྲས་བུ་ཐོབ་པའི་རྟགས།། འབྲས་བུ་ཐོབ་པའི་རྣལ་འབྱོར
iiif viewer powered by OpenSeadragon
