| e-texts navigator |
| Wylie |
242a1 དབུས།། ཉོན་མོངས་སྦྱང་ཕྱིར་བཀུག་ལ་བསྟིམ།། ཡེ་ཤེས་ཕྱག་རྒྱ་ཀུན་བཟང་གིས།། ཐུགས་ཀྱི་ཡི་གེ་ཧཱུཾ་བཏོན་ནས།། ཨཱཿཡིས་བསྟིམ་ཏེ་ཕཊ་ཀྱིས་སྦར།། ཕཊ་ཀྱི་འོད་ཟེར་ནག་པོ་ཡིས།། ཉོན་མོངས
242a2 སྦྱངས་པས་ཡེ་ཤེས་གསལ།། ཡེ་ཤེས་དེ་ཡི་བྱིན་རླབས་ལས།། བྱང་ཆུབ་སེམས་དེ་ཡི་གེ་ཨཱཿ།། དམིགས་པ་མེད་པའི་ཆོས་ཉིད་བསྒོམ།། དེ་ཡི་ཁྱད་པར་ཡོན་ཏན་ལ།། ཉོན་མོངས་སྦྱངས་ཏེ་ཡེ་ཤེས་གསལ།། རང
242a3 བཞིན་མེད་པའི་ཆོས་སྐུ་ཐོབ།། བར་དོའི་ཉོན་མོངས་སྦྱོང་བའི་ལེའུ་སྟེ་བརྒྱད་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། བར་དོའི་སེམས་ཉིད་དྲི་མ
242a4 མེད།། དག་པའི་རྟགས་ནི་ཅི་ཞིག་འབྱུང་།། སྟོན་པའི་སྟོན་པ་ཀུན་ཏུ་བཟང་པོ་དེས།། དྲི་མ་དག་རྟགས་གསུམ་འབྱུང་སྟེ།། ཉོན་མོངས་དྲི་མ་དག་པ་ནི།། བྱུང་བའི་ཉོན་མོངས་དྲི་མ་དང་།། འབྱུང་བའི་ཉོན་མོངས་དྲི
242a5 མ་དང་།། བྱུང་ནས་གནས་པའི་ཉོན་མོངས་དྲི་མའོ།། བྱུང་བའི་ཉོན་མོངས་དྲི་མ་ནི།། མ་རིག་པ་ཡི་རྒྱུ་ཡིན་ནོ།། འཁྲུལ་དང་མ་འཁྲུལ་མི་ཤེས་པས།། མ་རིག་པ་ཞེས་དེ་ལ་བྱ།། བྱུང་བའི་མ་རིག་པ་དེས་ནི།། བྱིང
242a6 བའི་ཤེས་པ་སྐྱེད་པར་བྱེད།། རང་བྱུང་ཡེ་ཤེས་མི་གསལ་བས།། བར་དོའི་གནས་སུ་ཤེས་པ་སྐྱེ།། འབྱུང་བའི་ཉོན་མོངས་དྲི་མ་དེས།། ཉོན་མོངས་རྒོད་པའི་རྒྱུ་བྱས་ཏེ།། ཆོས་རྣམས་ཐམས་ཅད་མིང་དུ་སྣང་།། མིང
iiif viewer powered by OpenSeadragon
