| e-texts navigator |
| Wylie |
241b1 འཛིན་པའི་ས་རུ་སྐྱེ།། ངན་སོང་སྐྱེ་བའི་དྲོད་དེ་ནི།། སྤྱི་བོའི་གཙུག་ནས་དྲོད་ཡལ་ཏེ།། ལྟེ་བའི་གནས་སུ་དྲོད་བསྡུས་ན།། གླེན་ལྐུགས་བྱོལ་སོང་གནས་སུ་སྐྱེ།། ལྟེ་བ་ནས་བཟུང་དྲོད་ཡལ་ཏེ།། རྐང་མཐིལ་གནས་སུ
241b2 དྲོད་ཡལ་ན།། དམྱལ་བའི་གནས་སུ་སྐྱེ་བར་ངེས།། ལུས་ཀྱི་ཕྱི་རུ་དྲོད་བྲོས་ནས།། ཐད་ཁར་རང་རང་ཡལ་བ་ན།། བཀྲེས་སྐོམ་ཡི་དྭགས་གནས་སུ་སྐྱེ།། ངན་སོང་འགྲོ་བའི་དབུགས་དེ་ནི།། ནང་དུ་སུམ་གཉིས་རྔུབ
241b3 པ་དང་།། ཕྱི་རུ་སུམ་ཆ་སྤྲོ་བ་ནི།། ངན་སོང་གནས་སུ་སྐྱེ་བར་ངེས།། མཐོ་རིས་གནས་སུ་སྐྱེ་བ་ན།། ཆོས་སྐུ་རིག་མེད་ནམ་མཁའ་བསྒོམ།། ངན་སོང་གནས་སུ་སྐྱེ་བ་ན།། ཡེ་ཤེས་རིག་གསལ་སྟོང་པ་བསྒོམ།། མཐོ
241b4 རིས་ངན་སོང་བརྟགས་པའི་ལེའུ་སྟེ་བདུན་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། མཐོ་རིས་ངན་སོང་རིགས་པ་ལ།། ངན་སོང་གནས་ནས
241b5 འདྲེན་པ་ལ།། ཕྱག་རྒྱ་ཏིང་འཛིན་ལྡན་པ་ལ།། དམིགས་པ་མེད་པའི་ཐུགས་རྗེ་ཡིས།། ཉོན་མོངས་དྲངས་ཤིང་གནས་ནས་འགུགས།། ཉོན་མོངས་དབང་གིས་སྐྱེ་བ་སྦྱོང་བའི་ཐབས་དེ་གང་།། སྟོན་པའི་སྟོན་པ་ཀུན
241b6 བཟང་གིས།། ཚེ་འདས་རིགས་ཀྱི་བུ་དེ་ཡང་།། དྲི་མ་རུས་པའི་རྟེན་དག་ལ།། རིན་ཆེན་དར་དང་ཚོན་སྐུད་ཀྱིས།། ལེགས་པར་རིགས་དྲུག་སྙིང་པོ་འགོད།། ཡི་གེ་ཨཱཿཧཱུཾ་ཕཊ་དག་གིས།། རྒྱ་ཡིས་གདབ་སྟེ་གུར་ཆེན
iiif viewer powered by OpenSeadragon
