| e-texts navigator |
| Wylie |
241a1 བག་ཆགས་མང་ཡོད་ཀྱང་།། བར་དོའི་ཡེ་ཤེས་སྐད་ཅིག་གིས།། གསལ་བས་ཐམས་ཅད་དག་པར་བྱེད།། འཆི་ཁའི་ཡེ་ཤེས་སྟོབས་དྲགས་ན།། གོང་གི་རྣམ་རྟོག་ཉོན་མོངས་ཀུན།། ཡེ་ཤེས་སྐད་ཅིག
241a2 དག་གིས་སེལ།། འཆི་ཁའི་ཡེ་ཤེས་སྟོབས་ཞན་ན།། ལོ་དང་བསྐལ་པའི་བག་ཆགས་ཀུན།། དུས་དེ་ཉིད་དུ་རྫོགས་པར་སྣང་།། བར་དོའི་ཤེས་པ་ཡེ་ཤེས་སུ་བཅོས་པའི་ཐབས་བསྟན་པའི་ལེའུ་སྟེ་དྲུག
241a3 པའོ།། །། སྡུད་པོ་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། མཐོ་རིས་ངན་སོང་གར་འགྲོ་བ།། དབུགས་དང་དྲོད་ཀྱི་ཆ་ཡིས་ཤེས།། དྲོད་དབུགས་བརྟག་པ་ཅི་ལྟ
241a4 བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། མཐོ་རིས་འགྲོ་བའི་དྲོད་དེ་ནི།། རྐང་མཐིལ་དག་ནས་དྲོད་ཡལ་བ།། སྲིད་པ་ཆགས་པའི་ལྟེ་བ་རུ། ལུས་ཀྱི་དྲོད་ནི་དེར་འདུས་ན། ཁྱད་པར་ལྷ་ཡི་གནས་སུ་སྐྱེ།། དེ
241a5 ནས་སྙིང་དྲོད་ཡར་བསྡུས་ཏེ།། མགྲིན་པའི་ངག་གི་གནས་དེར་སྡུད།། ལུས་ཀྱི་དྲོད་ནི་དེར་འདུས་ན། ཁྱད་པར་ལྷ་མིན་གནས་སུ་སྐྱེ།། མགྲིན་པའི་དྲོད་དེ་ཡར་བསྡུས་ནས།། སྤྱི་བོ་ཚངས་པའི་གནས་དེར
241a6 འདུས།། བསྡུས་ཏེ་འོད་དང་གཞའ་སོང་ན།། ཕྱག་རྒྱ་ཆེན་པོའི་རྒྱུ་རུ་སྐྱེ།། མཐོ་རིས་ཐོབ་པའི་དབུགས་རྟགས་ནི།། ནང་དུ་སུམ་ཆ་རྔུབ་པ་ན།། ལྷ་དང་ལྷ་མིན་ཁྱད་པར་ཐོབ།། ཕྱི་རུ་སུམ་གཉིས་སྤྲོ་བ་ན།། རིག་པ
iiif viewer powered by OpenSeadragon
