| e-texts navigator |
| Wylie |
240b1 ལེན་ཏེ།། འདོད་ཆགས་རྒྱུན་ཆེན་དྲགས་པས་ན།། ཡི་དྭགས་གནས་སུ་ལུས་ལེན་ཏེ།། གཏི་མུག་རྒྱུན་ཆེན་དྲགས་པ་ན།། དུད་འགྲོའི་གནས་སུ་ལུས་ལེན་ཏོ།། ང་རྒྱལ་རྒྱུན་ཆེན་དྲགས་པ་ན།། མི་ཡི་གནས་སུ་ལུས
240b2 ལེན་ཏོ།། ཕྲག་དོག་རྒྱུན་ཆེན་དྲགས་པ་ན།། ལྷ་མིན་གནས་སུ་ལུས་ལེན་ཏོ།། ལེ་ལོ་རྒྱུན་ཆེན་དྲགས་པ་ན།། ལྷ་ཡི་གནས་སུ་ལུས་ལེན་ཏོ།། ཡེ་ཤེས་གཡོ་བ་མེད་པའི་རྟགས།། འགགས་ན་ལོངས་སྤྱོད་རྫོགས་སྐུར
240b3 སྐྱེ།། ཆོས་ཉིད་མི་འགྱུར་ནམ་མཁའ་ལ།། རང་བཞིན་མེད་པར་རྟོགས་པ་ན།། སངས་རྒྱས་ཆོས་སྐུའི་སྙིང་པོ་ཐོབ།། འཆི་བ་དབུགས་ཀྱི་བར་དོ་རུ།། ཆོས་རྣམས་ཐམས་ཅད་དྲན་མི་བྱ།། དྲན་རྟོག་མེད་པའི་ནམ
240b4 མཁའ་ལ།། དམིགས་པ་མེད་པར་སིང་ངེར་བཞག། བག་ཆགས་མི་གཡོ་ཡེ་ཤེས་ཏེ།། རང་བཞིན་མེད་པར་གཞག་པར་བྱ།། རང་བཞིན་མེད་པར་རྟོགས་གྱུར་ན།། སངས་རྒྱས་ཀུན་གྱི་སྙིང་པོ་ཐོབ།། ཆོས་རྣམས
240b5 ནམ་མཁའི་སྙིང་པོ་ལ།། མཚན་མའི་རྣམ་རྟོག་ཅི་བྱུང་ཡང་།། རྟོག་མེད་ནམ་མཁའི་ངང་དུ་བསྒོམ།། ཆོས་རྣམས་ཐམས་ཅད་ལྟ་བས་གཅོད།། ལུས་ངག་སྤྱོད་པ་ཆེན་པོ་དེ།། ལུས་ཀྱི་སྡུག་བསྔལ་ཅི་བྱུང་ཡང་།། རིག
240b6 པའི་ཤེས་པ་དེ་དག་ཀུན།། རིག་མེད་དབུགས་ཀྱི་རྟ་ཕོ་ལ།། རྣམ་རྟོག་བཅས་དེ་མཁའ་ལ་བཞག། རྣམ་རྟོག་སྐྱེད་པ་ཡིད་ཡིན་པས།། ཡིད་ཀྱི་ཡེ་ཤེས་མིང་མེད་བསྒོམ།། ལོ་དང་བསྐལ་པ་མང་པོ་རུ།། ཉོན་མོངས
iiif viewer powered by OpenSeadragon
