| e-texts navigator |
| Wylie |
23a1 རྒྱས་ཀྱི་སྐུ་གཟིགས་སྣང་ཐམས་ཅད་དང་བྲལ་ཀྱང་། རིག་པའི་སྐུ་མངོན་སུམ་དུ་གསལ་བས་ཡེ་ཤེས་འཆར་ནུབ་མེད་པར་བསྟན་པར་བྱའོ།། རང་སྣང་ཆོས་ཉིད་ཀྱི་སྣང་བ་དབྱིངས་རྣམ་པར་དག་པའི
23a2 སྒྲོན་མ་ལ་གནས་པར་བྱ་སྟེ། དེའི་ཚེ་སངས་རྒྱས་ཀྱི་ཞིང་ཁམས་མངོན་པར་དགའ་བ་མཐོང་བར་འགྱུར་རོ།། སྣང་བ་ཆོས་ཉིད་ལ་བྱར་མེད་པས་བྱ་མི་དགོས། བཙལ་དུ་མེད་རྩོལ་བ་ལས་འདས་སོ།། རིག་པའི
23a3 གནས་ལུགས་ལ་མཁས་པས་བསྟན་པར་བྱའོ།། རིག་པའི་འགྲོ་ས་ཉིད་ལ་ཕུགས་གཏད་དོ།། རིག་པའི་འབྱུང་ས་ཉིད་ལ་གཙུན་པར་བྱའོ།། རིག་པའི་གནས་ས་ལ་གཟེར་གདབ་པར་བྱའོ།། རིག་པའི་བསྐྱལ་ས་ཆེན
23a4 པོ་གཅིག་གིས་ལ་བཟླ་བར་བྱའོ།། མཐོང་སའི་སྐུའི་སྣང་བ་ལ་བསྟན་པའི་ཚིག་གིས་གཟེར་གདབ་པར་བྱའོ།། རིག་པའི་རྩལ་གསུམ་ལུས་ལ་འབྱོངས་པར་བྱའོ།། སྣང་སའི་འཆར་ལུགས་གཅིག་གི་དེ་བཞིན་ཉིད
23a5 ཤེས་ན། ཆོས་ཐམས་ཅད་ཀྱི་དེ་བཞིན་ཉིད་ཤེས་པར་འགྱུར་རོ།། རིག་པའི་ལྟ་སྟངས་ཆེན་པོ་གཅིག་གི་དེ་བཞིན་ཉིད་ཤེས་ན། ཆོས་ཐམས་ཅད་ཀྱི་དེ་བཞིན་ཉིད་ཤེས་པར་འགྱུར་རོ།། སྐུའི་གནས་ལུགས་གཅིག
23a6 མཐོང་ན། སྐུ་ཐམས་ཅད་ཀྱི་གནས་ལུགས་མཐོང་བར་འགྱུར་རོ།། ཡེ་ཤེས་ཀྱི་འཆར་ས་གཅིག་གི་དོན་ཤེས་ན། ཆོས་སྐུའི་དེ་བཞིན་ཉིད་ཤེས་པར་འགྱུར་རོ།། རང་རིག་པའི་སྐུ་གཅིག་མཐོང་ན་རིག་པའི་སྐུ་ཐམས
iiif viewer powered by OpenSeadragon
