| e-texts navigator |
| Wylie |
239b1 ལྟར་སྣང་བ་སྟེ།། དབང་པོ་ཀུན་ཚང་ཐོགས་མེད་ལུས།། སྔོན་འབྱུང་སྲིད་པའི་ཤ་གཟུགས་ཅན།། ཐོགས་མེད་ལུས་དེ་ཐམས་ཅད་འཁྱམས།། དབུགས་ཀྱི་རྟ་ལ་རབ་ཞོན་ཏེ།། འདས་དང་མ་འོངས་ཐམས་ཅད
239b2 ཀུན།། རང་གི་བག་ཆགས་ཐམས་ཅད་གསལ།། དགེ་སྡིག་ཅི་བྱས་གསལ་བར་སྣང་།། སྔོན་དུ་འདྲིས་པ་ཐམས་ཅད་ཀུན།། གདུང་བའི་སེམས་ཀྱིས་གསལ་བར་སྣང་།། འདྲིས་པའི་ཡུལ་གྱིས་བོས་པའི་ཚེ།། ལམ་དེ
239b3 བཞག་ནས་མལ་ལ་འཁོར།། སྔོན་དུ་ཅི་བྱས་རྣམ་པར་གསལ།། འདྲིས་པའི་དངོས་པོ་བརྗེད་མི་བྱེད།། རྣམ་རྟོག་དབུགས་ཀྱི་རྟ་ལ་ཞོན།། ཀུན་ཏུ་འཁྱམས་ཏེ་ཀུན་ཏུ་འཁོར།། ས་མལ་དུས་རྟགས་མེད་པ་རུ།། རང་གི
239b4 སྣང་བ་གཅིག་པུར་མཐོང་།། ཤིན་ཏུ་འཇིགས་པའི་གཤིན་རྗེ་ཡིས།། སྡིག་བྱེད་ལུས་ལ་གནོད་པར་བྱེད།། སྡུག་བསྔལ་སྣ་ཚོགས་མྱོང་བར་བྱེད།། འདི་དང་ཕྱི་མ་གཉིས་ཀ་གསལ།། གསལ་བའི་ཡེ་ཤེས་ཕྲ་མོ
239b5 དེ།། ཡེ་ཤེས་གསུམ་དུ་འགྱུར་བ་ཡིན།། རིག་པའི་ཡེ་ཤེས་ཆོས་རྣམས་གསལ།། རིག་པ་མི་གཡོ་ཡེ་ཤེས་གསལ།། རིག་མེད་སྙིང་པོ་ཆོས་ཉིད་གསལ།། ཡེ་ཤེས་གསུམ་ལ་གནས་པར་བྱའོ།། སེམས་ཅན་དུས་ན་འདུ
239b6 ཤེས་ཡིན།། ཐེག་པའི་དུས་ན་སེམས་ཉིད་ཡིན།། སངས་རྒྱས་དུས་ན་ཡེ་ཤེས་ཡིན།། དབུགས་ལ་བརྟེན་པའི་ཤེས་པ་དེ།། ཕྱི་རུ་སྒྲོ་ཡང་མི་སྒྲོ་གདགས།། ནང་དུ་རྔུབ་ཀྱང་སྡོག་མི་བསྐྱོད།། རང་སོར་གནས་ཀྱང་སྒྲོ་མི
iiif viewer powered by OpenSeadragon
