| e-texts navigator |
| Wylie |
239a1 མཚོན་ཐོགས་མང་པོའི་གཤིན་རྗེ་ཡིས།། ད་འདོད་ཟེར་ཞིང་རྒྱབ་ནས་ཕུལ་བར་བྱེད།། ཚ་གྲང་དམྱལ་བའི་སྡུག་བསྔལ་མང་པོ་མྱོང་བར་སྟོན།། སྲིད་པའི་འཁོར་ལོ་ཉིན་བདུན་མཚན་བདུན
239a2 བསྐོར།། རང་གིས་སྡུག་བསྔལ་མང་པོ་ཞར་ལ་སྣང་།། བསྐལ་པར་བསགས་པའི་སྡུག་བསྔལ་སྟོན་པར་བྱེད།། རིགས་དྲུག་སྣང་བ་ཐམས་ཅད་སྟོན་པར་འོང་།། རང་གི་མཚན་མ་ནག་པོར་མཐོང་།། རང་གིས་དུས
239a3 ནས་ཕ་བོས་མ་བོས་ཀྱང་།། མུན་ནག་ཆེན་པོར་རང་ཉིད་གཅིག་པུར་འཁྱམས།། སྲིད་པར་འཁྱམས་པའི་སྡུག་བསྔལ་མང་པོ་མཐོང་།། ལྷ་སྲིན་སྡེ་བརྒྱད་ཤ་དང་ཁྲག་ལ་ཟ།། ལུས་ཀྱི་དྲོད་དེ་སྤྱི་བོ་ནས་བཟུང
239a4 ནས།། རྐང་མཐིལ་བར་དུ་དྲོད་དེ་ཡལ་བར་བྱེད།། རང་གི་སྣང་བ་འཁྲུལ་པས་དམྱལ་བ་མཐོང་།། འཆི་བའི་ལུས་སྣང་བའི་ལེའུ་སྟེ་བཞི་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན
239a5 པའི་སྟོན་པ་ཀུན་ཏུ་བཟང་པོ་ལ།། སྲིད་པ་བར་མ་དོ་སྣང་བའི་ལུས་དེ་ཅི་ལྟ་བུ་ལགས།། སྟོན་པའི་སྟོན་པ་ཀུན་ཏུ་བཟང་པོ་དེས།། བྱུང་བའི་བར་དོ་འབྱུང་བའི་བར་དོ་དང་།། གནས་པའི་བར་དོ་རྣམ་པ་གསུམ་དུ
239a6 བྱུང་།། བར་དོར་ཕལ་ཆེར་ཞགས་ནི་བདུན་ལ་འབྱུང་།། བདུན་ཚེ་བདུན་ལ་བར་དོ་ཟེངས་རེ་འབྱུང་།། བར་དོ་རང་ལ་གནས་པའི་སྣང་ཚུལ་ནི།། ལུས་ཀྱི་སྣང་ཚུལ་སེམས་ཀྱི་སྣང་ཚུལ་ལོ།། ལུས་ཀྱི་སྣང་ཚུལ་འདི
iiif viewer powered by OpenSeadragon
