| e-texts navigator |
| Wylie |
238a1 པར་ཆེན་པོའི་ལུས།། རང་གི་ལུས་དེ་རང་གི་དབང་ཐོབ་པོ།། རྒྱུ་རྐྱེན་བྲལ་བའི་ལུས་སུ་གྲུབ་པ་ཡིན།། སེམས་ཅན་ལུས་དེ་ཡེ་ཤེས་ལུས་སུ་གྲུབ་པའོ།། ཡེ་ཤེས་ལུས་ཉིད་གྲུབ་པའི་ཡོན་ཏན་ནི།། ལུས
238a2 དེང་རྒས་དང་ན་བ་མེད་པར་འོང་།། ལུས་དེ་ཡང་ཞིང་བཅོས་སུ་བཏུབ་པར་འོང་།། ཤི་བ་མེད་ཅིང་ཡེ་ཤེས་འཕོ་འཇུག་ཤེས།། དམིགས་པའི་ལུས་མེད་ལུས་དེ་ཅིར་ཡང་སྣང་།། སེམས་ཅན་ལུས་དེ་རྐྱེན་གྱིས་བསྒྲུབ
238a3 པར་ཡོད།། ཡེ་ཤེས་ལུས་དེ་རྒྱུ་རྐྱེན་བྲལ་བའི་ལུས།། གཟུགས་མེད་ནམ་མཁའི་ལུས་ཀྱིས་བཟློག་པར་བྱེད།། གཟུགས་ཁམས་འོད་ལས་གྲུབ་པའི་དངོས་པོ་དེ།། གཟུགས་དེ་ཐོགས་མེད་ཡེ་ཤེས་འོད་ཀྱིས
238a4 བཟློག། ལུས་མེད་ལུས་དེ་ལུས་ཀྱི་མཆོག་ཆེན་པོ།། ལུས་ཀྱི་མཐའ་ཉིད་རྟོགས་པས་ལུས་ཀུན་རྟོག། གཟུགས་སུ་བཟུང་བའི་ལུས་དེ་འཁྲུལ་ལུས་སོ།། སངས་རྒྱས་ཀུན་གྱི་རྟོགས་པའི་ལུས་ཆེན་པོ།། སེམས་ཅན
238a5 ལུས་ཀྱི་ཡེ་ཤེས་མ་འཁྲུལ་པར་བསྟན་པའི་ལེའུ་སྟེ་གསུམ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། སེམས་ཅན་ལུས་སུ་གྲུབ་པ་ཐམས་ཅད་ལ།། མི
238a6 རྟག་འཆི་བའི་ལུས་དེ་སྣང་ཚུལ་གང་།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སེམས་ཅན་ལུས་སུ་གྲུབ་པ་ཐམས་ཅད་ལ།། རྒྱུ་དང་རྐྱེན་གྱིས་བསྐྱེད་པ་ཡིན་པས་ན།། རྒྱུ་ཡི་ནུས་པ་ཟད་པས་འཆི་བར
iiif viewer powered by OpenSeadragon
