| e-texts navigator |
| Wylie |
236b1 བརྗོད་དབྱེར་མེད་བསྟན་པའོ།། གླེང་གཞིའི་ལེའུ་སྟེ་དང་པོའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ལུས་མེད་ལུས་སུ་གྲུབ་པ་སེམས་ཅན
236b2 ལུས།། དང་པོ་ལུས་འདི་རྒྱུ་ཉིད་ཅི་ལས་བྱུང་།། བར་དུ་བསྐྱེད་ལུགས་ཇི་ལྟར་བྱུང་།། ཐ་མར་ལུས་ཀྱི་འབྲས་བུ་འཁྲུལ་པ་ཅི་ལྟར་རྒྱས།། སྟོན་པའི་སྟོན་པ་ཀུན་ཏུ་བཟང་པོ་ཡིས།། དང་པོ་ལུས་མེད་ལུས་ཀྱི་རྒྱུ་འདི།
236b3 ནི།། རང་བྱུང་ཡེ་ཤེས་མ་འགགས་དག་ལས་བྱུང་།། བར་དུ་ལུས་ཀྱི་རྒྱུ་འདི་ནི།། ཡེ་ཤེས་གཟུགས་ཀྱི་ཡོན་ཏན་ལས།། ཟེར་གྱི་ཡན་ལག་འོད་སྣང་ལུས།། ཐོག་མར་ལུས་ཀྱི་རྒྱུ་འདི་ནི།། རྒྱུ་ཡི་ལུས་དང་རྐྱེན་གྱི
236b4 ལུས།། རྒྱུ་ཡི་ལུས་ནི་རྣམ་གཉིས་ཏེ།། རང་གི་རྒྱུ་དང་ཚོགས་པའི་རྒྱུ།། རང་གི་རྒྱུ་ཡི་ལུས་ལ་ཡང་།། རིག་པ་འགགས་མེད་འོད་ཀྱི་ལུས།། རྐྱེན་གྱི་ལུས་ལ་རྣམ་གཉིས་ཏེ།། འདུན་པའི་སྒོ་ནས་ལུས་བཙལ་ཏེ།། བཟང
236b5 ངན་མེད་པའི་ལུས་ངག་ལ།། ཐོབ་པའི་འདུ་ཤེས་སྐྱེས་པ་ཡིས།། འདུན་པའི་སེམས་ཀྱིས་བཙལ་ཏེ་འདུག། རྒྱུ་མཐུན་སྣང་བས་ཕ་མར་མཐོང་།། ཕ་ཡི་རྡོ་རྗེའི་བྱང་སེམས་ལས།། རང་གི་ལུས་དེའི་རྒྱུ་རུ་མཐོང་།། མ
236b6 ཡི་རིན་ཆེན་པདྨ་ལས།། གནས་ཀྱི་སྒོ་ནས་བསྐྱེད་བྱར་མཐོང་།། བསྐྱེད་རྒྱུ་བསྐྱེད་བྱ་གཉིས་སྣང་ལས།། རང་གི་ལུས་དེ་གྲུབ་པར་མཐོང་།། མཐོང་བའི་འདུན་པས་སྣང་བའི་ལུས་བཙལ་ནས། ཁུ་བ་ཁྲག
iiif viewer powered by OpenSeadragon
