| e-texts navigator |
| Wylie |
236a1 རྒྱ་གར་སྐད་དུ། རཏྣ་བྷ་བནྟ་ར་ལོ་ཀ་ཏནྟྲ། བོད་སྐད་དུ། རིན་པོ་ཆེ་སྲིད་པ་བར་མ་དོ་སྣང་བའི་རྒྱུད། བཅོམ་ལྡན་འདས་རང་སྣང་ཀུན་ཏུ་བཟང་པོ་ལ་ཕྱག་འཚལ་ལོ།། དུས་བཞི་མཉམ་པར་གཅིག
236a2 པར་སྣང་བའི་དུས།། རྒྱུ་རྐྱེན་མ་བསྐྱེད་ཡེ་ཤེས་སྣང་བའི་དུས།། ལུས་སེམས་གཉིས་པོ་ཐ་དད་སྣང་བའི་དུས།། རང་གི་རྣམ་རྟོག་དབུགས་ལ་བརྟེན་པའི་དུས།། འཁོར་འདས་གཅིག་པར་སྣང་བའི་དུས།། ཆོས་སྐུ་སྐྱེ
236a3 མེད་རང་བཞིན་གྲུབ་པའི་གནས།། ཡེ་ཤེས་མ་སྐྱེས་རིག་པ་སྟོང་པའི་གནས།། ལུས་དང་སེམས་གཉིས་སྲིད་པར་སྣང་བའི་གནས།། སྣང་བ་ཐོགས་མེད་སྤྱོད་ཡུལ་སྟོན་པའི་གནས།། འཁོར་བའི་རྒྱུད་འདས་སྣང་བའི
236a4 གནས།། ཆོས་སྐུའི་སྙིང་པོ་བརྗོད་མེད་སྟོན་པ་དང་།། ཡེ་ཤེས་སྙིང་པོ་མི་བརྗོད་སྟོན་པ་དང་།། ལུས་ཀྱི་སྣང་ཚུལ་སེམས་ཀྱི་སྟོན་པ་དང་།། དབུགས་ཀྱི་རྣམ་རྟོག་སྣང་བའི་སྟོན་པ་དང་།། འཁོར་བའི་ལམ་དང་མྱ་ངན
236a5 འདས་པའི་ལམ་སྟོན་པའོ།། རང་བྱུང་ཆོས་སྐུ་མ་འགགས་འཁོར་དེ་དང་།། རང་བྱུང་ཡེ་ཤེས་འགགས་མེད་འཁོར་ཉིད་དང་།། ལུས་ཀྱི་འཁོར་དང་སེམས་ཀྱི་འཁོར་ཉིད་དང་།། བླགས་ཀྱི་རྣམ་རྟོག་ལམ་ཚོལ་འཁོར
236a6 ཉིད་དང་།། ཐ་མི་དད་པར་གཅིག་སྣང་འཁོར་ཉིད་དོ།། རང་བྱུང་ཡེ་ཤེས་མི་བརྗོད་བསྟན་པ་དང་།། མིང་དང་བརྡའ་རུ་བྱུང་བའི་བསྟན་པ་དང་།། བརྗོད་པའི་ངག་མེད་སེམས་བརྗོད་བསྟན་པ་དང་།། བརྗོད་མེད་མི
iiif viewer powered by OpenSeadragon
