| e-texts navigator |
| Wylie |
235a1 གར་བསྐུལ། ཁམས་གསུམ་འཁོར་བའི་འདམ་རྫབ་ཞིང་གང་ལ་སྦྱང་། སེམས་ཅན་གྱི་སྡུག་བསྔལ་བྱེ་བྲག་ཐུགས་རྗེ་ཆེན་པོའི་རྩལ་གང་ལ་སྦྱར། སངས་རྒྱས་མྱ་ངན་ལས་མ་འདས་ཀྱི་བར་དུ།
235a2 དགོངས་པའི་མཐའ་ཅི་ཙམ་ལ་བཞག། མྱ་ངན་ལས་འདས་ནས་མཐར་ཐུག་པའི་ས་གང་དུ་བཞག། ཅེས་ཞུས་པས། ལག་ན་རྡོ་རྗེ་ཁྱོད་ཉོན་ཅིག། སྐུ་གསུང་ཐུགས་རྡོ་རྗེ་བླ་མ་ཆེན་པོའི་མཐའ། སངས་རྒྱས་ཐམས
235a3 ཅད་ཀྱི་མེས་པོ་སངས་རྒྱས་ཉག་གཅིག་ཏུ་བསྐུལ་ལོ།། སངས་རྒྱས་ཐམས་ཅད་ཀྱི་དགོངས་པ་ནི་རང་རིག་པའི་ཡེ་ཤེས་སུ་གཏུགས་སོ།། འཁོར་བ་རུ་ལོག་པའི་དུས་སུ་མར་མེའི་སྡོང་བུ་ལ་མར་མེ་བརྟེན་པའི་ཚུལ་དུ
235a4 ཞིང་ཁམས་གཅིག་གོ། རྒྱུད་ལུང་མན་ངག་གི་མཐའ་ནི་བརྗོད་བྱ་དང་རྗོད་བྱེད་མེད་པར་བསྐུལ་ལོ།། འཁོར་བའི་འདམ་རྫབ་ནི་རྣམ་པར་དག་པའི་ཞིང་བདེ་བ་ཆེན་པོ་ལ་འགོད་པར་སྣང་བར་སྦྱང་ངོ་།། སེམས་ཅན
235a5 གྱི་སྡུག་བསྔལ་ནི། རིག་པའི་རྩལ་མ་འགགས་པར་སྦྱར་རོ།། སངས་རྒྱས་མྱ་ངན་ལས་མ་འདས་ཀྱི་བར་དུ། སྒྱུ་མ་ལྟ་བུའི་སྐུ་འཇའ་ཚོན་ལྟ་བུ་ལ་མཐོང་བའི་ཡུལ་ཉམས་སུ་མྱང་བར་བྱའོ།། མྱ་ངན་ལས་འདས་ནས
235a6 མི་གནས་པའི་ཡེ་ཤེས་ཆེན་པོར་གཞག་གོ། ཞེས་འཁོར་བ་དོང་སྤུག་ཆེན་པོའི་རྒྱུད་ལས། སངས་རྒྱས་དུར་དུ་གཞུག་པའི་ལེའུ་སྟེ་བདུན་པའོ།། །། རྫོགས་སོ།། མཁས་པའི་མཁས་པ་སློབ་དཔོན་བི་མ
iiif viewer powered by OpenSeadragon
