| e-texts navigator |
| Wylie |
234b1 ན། རྡོ་རྗེ་སེམས་དཔའི་མེ་ལོང་ལ་དྲིས་ཤིག། སངས་རྒྱས་སྐུ་རང་ལ་གནས་པའི་རྟགས་ངོ་མ་ཤེས་ན་བྱང་ཆུབ་སེམས་ཀྱི་སྒྲོན་མ་ལ་ལྟོས་ཤིག། ཀྱེ་སེམས་དཔའ་ཆེན་པོ་མཚོན་པའི་བྱང་ཆུབ་ཆོས་ཡིན་ཀྱང་། རྟོགས
234b2 པའི་བལྟ་བ་རང་རིག་པའི་ཡེ་ཤེས་ཁོ་ནའོ།། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱང་། ཆོས་ལས་འདས་པའི་སྐུ་སྙིང་པོ་བྱང་ཆུབ་ལ་འདུ་འབྲལ་མེད་པར་དག་པར་གནས་སོ།། རིགས་ཀྱི་བུ
234b3 ཆོས་ཐམས་ཅད་ཆོས་ཉིད་རྒྱ་མཚོ་དང་འདྲ་བའི་ངང་དུ་བྱ་བཙལ་མེད་པར་སྟིམས་ཤིག། ཅེས་རྡོ་རྗེ་འཆང་གིས་བཀའ་སྩལ་ཏོ།། འཁོར་བ་དོང་སྤུག་ཆེན་པོའི་རྒྱུད་ལས། དམ་པའི་ཆོས་རྒྱ་མཚོ་ཆེན་པོར་དབབ་པའི
234b4 ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་ཀྱིས་གསང་བ་བླ་ན་མེད་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེའི་ཚེ་དེའི་དུས་སུ་གསང་བའི་བདག་པོ་ལག་ན་རྡོ་རྗེས་བཅོམ་ལྡན་འདས་ལ
234b5 གསོལ་པ། བཅོམ་ལྡན་འདས་གསང་བ་བླ་ན་མེད་པའི་ཏིང་ངེ་འཛིན་ལས་བཞེངས་ཤིག། ངས་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བླ་མ་ཆེན་པོ་མཐའ་གང་ལ་བ
234b6 སྐྱསྐུལ། སངས་རྒྱས་ཐམས་ཅད་ཀྱི་དགོངས་པའི་མཐའ་གར་གཏུགས། ཁམས་གསུམ་སེམས་ཅན་ཐམས་ཅད་འཁོར་བ་རུ་ལོག་པའི་དུས་སུ་རང་རེའི་ཞིང་ཁམས་གཅིག་གམ་ཐ་དད་། ལུང་རྒྱུད་མན་ངག་གི་མཐའ
iiif viewer powered by OpenSeadragon
