| e-texts navigator |
| Wylie |
234a1 མེད་ཤེས་རབ་རང་བྱུང་བས།། མི་གནས་རྡོ་རྗེ་སྙིང་པོའི་སྐུ།། བྱ་བཙལ་མེད་པར་བདེ་གནས་པས།། ང་ནི་རང་བྱུང་ཡེ་ཤེས་ཡིན།། ཚིག་དང་ཡི་གེས་ང་མ་བསྐྱེད།། ནམ་མཁའི་ཀློང་ནས་རང་བྱུང
234a2 བས།། མི་གནས་བདེ་ལྡན་ཕུན་སུམ་ཚོགས།། ཆོས་ཀྱིས་ཡང་དག་དོན་བརྗོད་དུ།། སྙིང་པོ་དག་པའི་ཀློང་ནས་བཤད།། ཀྱེ་གསང་བའི་བདག་པོ་རང་བྱུང་གི་ཡེ་ཤེས་བྱ་བ་བབ་ཀྱིས་གྲུབ་པ་ལས། བྱས་པའི་ཆོས་ཀ།
234a3 ནས་མེད་དོ།། པྲཛྙཱ་པཱ་ར་མི་ཏཱ་སརྦ་བྷ་ར་ནི་ཨཱ་པཱ་རཱ་འབུ་ཐཱ་ཡོ། དེ་ནས་བཅོམ་ལྡན་རྡོ་རྗེ་འཆང་།། རྩོལ་བའི་སྡུག་བསྔལ་ཆོས་ཡིན་གྱི།། ཆོས་ལ་གནས་པར་མི་བྱའོ།། བདེ་བ་ཆེན་པོའི་སྐུ་མངའ་བས།། མ་བཙའ
234a4 བཞག་ན་རྡོ་རྗེའི་སྐུ།། འགྱུར་བ་མེད་པའི་སྐུ་མངའ་བས།། བྱ་བཙལ་མེད་པ་ཡེ་ཤེས་སྐུ།། སྣ་ཚོགས་དག་པའི་སྐུ་མངའ་བས།། མ་བསླད་བཞག་ན་ཡེ་ཤེས་སྐུ།། སྣ་ཚོགས་འབྱུང་བའི་སྐུ་མངའ་བས།། མ་བཀག
234a5 བཞག་ན་རང་བྱུང་སྐུ།། སྙིང་པོ་གདོད་ནས་དག་པ་ལ།། ཆོས་སྤྱོད་བཅུ་ཡིས་སངས་མི་རྒྱ།། མ་བཙལ་ལྷུན་གྱིས་གྲུབ་པ་ལ།། ཡོན་ཏན་བཅུ་ཡིས་གསལ་དུ་མེད།། བཀའ་ལུང་ཕྱི་མོར་རང་ཤར་བས།། ཆོས་ཀྱིས་ཤེས
234a6 རབ་བསྐྱེད་དུ་མེད།། སངས་རྒྱས་ཆོས་ལས་མ་བྱུང་བས།། རྒྱུད་ལུང་མན་ངག་ང་ཡི་དུག། ཀྱེ་གསང་བའི་བདག་པོ་ཆོས་ལས་འདས་པའི་སྐུ་ངོ་མ་ཤེས་ན། རང་གི་རིག་པ་ལ་དྲིས་ཤིག། དེ་མཚོན་པའི་དཔེ་ངོ་མ་ཤེས
iiif viewer powered by OpenSeadragon
