| e-texts navigator |
| Wylie |
232b1 ཟེར་དཔག་ཏུ་མེད་པ་འབྱུང་བ་འདི་ཅིའི་རྒྱུ་ཅིའི་རྐྱེན། ངས་ཁམས་གསུམ་གྱི་སེམས་ཅན་ལ་ཅི་ལྟར་འོད་ཟེར་གྱི་ཕུང་པོ་འབྱུང་བ་བསྟན་པར་བྱ། ཞེས་ཞུས་པར། བཅོམ་ལྡན་འདས་ཁམས་གསུམ་རྣམ་པར་རྒྱལ་བའི
232b2 འོད་ཕུང་གི་ཏིང་ངེ་འཛིན་ལས་བཞེངས་ཏེ་ཞལ་འཛུམ་པ་མཛད་ནས། གསང་བའི་བདག་པོ་ཁྱོད་ཀྱིས་དྲི་བ་དྲིས་པ་ལེགས་སོ།། ཡང་དག་པར་རྫོགས་པའི་སངས་རྒྱས་ལ། ཡེ་ཤེས་ལྔའི་རྩལ་མ་འགགས་པས་འོད
232b3 ཟེར་གྱི་ཕུང་པོར་གནས་སོ།། འབྱུང་བ་ཆེན་པོ་ལྔ་ལ་མ་བཙལ་བར་གྲུབ་པས་ཡོངས་ལ་ཁྱབ་པར་གནས་སོ།། རིགས་ཀྱི་བུ་གང་གིས་མངོན་པར་སངས་རྒྱས་པའི་ཚེ། ཕྱིའི་འབྱུང་བ་ལྔ་སྣང་བྱེད་ཀྱི་སྒྲོན་མ་ལ་འདུས
232b4 སོ།། རང་གི་འབྱུང་བ་ལྔ་རིག་པའི་སྒྲོན་མ་ལ་འདུས་སོ།། སྣང་བྱེད་ཀྱི་སྒྲོན་མ་རིག་པ་ལ་འདུས་པའི་དུས་ན། ཡེ་ཤེས་ཀྱི་ཉི་མ་རང་ལ་སྣང་སྟེ། དུས་རྟག་ཏུ་ལྷང་ངེ་ལྷན་ནེ་ཉིན་མོ་དང་མཚན་མོར་མ་ཡིན་ནོ།། དེ
232b5 བཞིན་དུ་བདེ་བར་གཤེགས་པ་ཐམས་ཅད་ལྷ་དང་ལྷ་མོ་ནམ་མཁའི་རི་མོ་ལ་སོགས་ཏེ། འོད་ཐམས་ཅད་དང་པོ་བྱུང་ཡང་རང་རིག་པ་ལས་འབྱུང་ངོ་།། ཐ་མ་ཡང་རང་རིག་པ་ལ་འདུས་སོ།། ནམ་མཁའ་ཆེ་ལུང་ངེས
232b6 པ་ལས་ཀྱང་། དེ་ལ་ཕྱོགས་ཀྱི་འོད་འདུས་པ།། ཕྱོགས་བཞི་མཚམས་དང་བླ་འོག་གྲུབ།། མ་ངེས་ཁ་དོག་སྣ་ཚོགས་ལས།། རིགས་ཀྱི་ཁྱད་པར་མངོན་པར་སྣང་།། ཞེས་གསུངས་སོ།། ཀྱེ་གསང་བའི་བདག་པོ་གོ་བར
iiif viewer powered by OpenSeadragon
