| e-texts navigator |
| Wylie |
232a1 བསྒོམ་པར་བྱ་བ་གཉིས་མེད་ན།། དོན་དམ་ང་ལ་བདེན་པར་བཞག་པ་ནི།། ཆུ་བོ་ཀླུང་འབྱམས་དགོངས་པས་ཟིན་པ་ཡིན།། རྒྱུན་གྱི་ཏིང་འཛིན་ཡེངས་བྲལ་མེད་པར་མ་ཤེས་ན། ཁྱུང་ཆེན་གཤོག
232a2 རྫོགས་བཀའ་འདི་དང་དུ་ལོངས།། མི་གཡོ་རང་བཞིན་གནས་པས་སྨང་སྦྱང་བྱུང་ཅེན་མ་བྱས་ན།། མཐོ་རིས་བགྲོད་པའི་ལམ་དེས་ཉོན་མོངས་ཟིན་པར་འགྱུར།། ལམ་མེད་ལམ་དུ་འཇུག་པ་རྣམས་ཀྱི་ནད་ཆེ
232a3 བ།། ཕྱིན་པར་འདོད་པས་རི་དྭགས་སྨིན་རྒྱུ་བསྙེག་པ་འདྲ།། བསྙེག་པའི་ཡུལ་མེད་འཇིག་རྟེན་གསུམ་ལས་ཡོངས་མི་འབྱུང་།། ཆོས་ལས་འདས་པའི་སྐུ་ངོ་མ་ཤེས་ན།། ནམ་མཁའ་ཆེ་ལུང་ངེས་པ་ལས།། རང་གི
232a4 མཐུ་ཡིས་རིག་པ་ལས།། ཆོས་འདི་གཞན་ལས་འབྱུང་བར་མི་འགྱུར་ཞེས།། རྒྱུད་ཐམས་ཅད་ཀྱི་སྙིང་པོ་ཡིན་པའི་ཕྱིར་རོ།། འཁོར་བ་དོང་སྦུགས་ཀྱི་རྒྱུད་ཅེས་བྱ་བ། ལུང་ཐམས་ཅད་དང་མི་འགལ་བའི་ཕྱིར། ལུང
232a5 གི་ཆེ་བས་ཡིད་ཆེས་པའོ།། འཁོར་བ་དོང་སྦུགས་ཆེན་པོའི་རྒྱུད་ལས། སྣང་སྲིད་ཁྱུར་མིད་དུ་ཟ་བའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་ཁམས་གསུམ་རྣམ་པར་རྒྱལ་བ་ཞེས་བྱ་བ། འོད་ཕུང
232a6 སྟུག་པོའི་ཏིང་ངེ་འཛིན་ལ་སྙོམས་པར་ཞུགས་སོ།། ཡང་གསང་བའི་བདག་པོས་ཞུས་པ། བཅོམ་ལྡན་འདས་འོད་དཔག་ཏུ་མེད་པའི་ཏིང་ངེ་འཛིན་ལས་བཞེངས་ཤིག། ཡང་དག་པར་རྫོགས་པའི་སངས་རྒྱས་ལ་འོད
iiif viewer powered by OpenSeadragon
