| e-texts navigator |
| Wylie |
231b1 འཁོར་ན།། འདུ་འབྲལ་མེད་པའི་གསལ་བའི་མཁའ་ལ་སྙོམས།། བྱ་བཙལ་མེད་པའི་བདེ་བ་ཆེན་པོའི་སྐུ།། གར་ཡང་ཐོགས་མེད་འབྲུག་གི་སྒྲ་ལྟར་སྒྲོགས།། གླང་ཆེན་འགྲོས་ལྟར་འགྱུར་མེད་གཅིག་པུ་པ།། རུས
231b2 སྦལ་གབ་པའི་ཚུལ་དུ་རྟག་གནས་པ།། བཙལ་མེད་བྱ་བྲལ་ཟིན་པའི་ཡུལ་ལ་གནས།། ཟིན་པ་མེད་པའི་སྡུག་བསྔལ་ནད་སེལ་བ།། རྒྱ་མཚོའི་གཏིང་ན་གསེར་གྱི་ཕ་བོང་འདྲ།། བདེ་དང་སྡུག་བསྔལ་རྒྱུ་མཐུན་བདེ
231b3 གནས་པ།། རིན་ཆེན་གསེར་ལ་ནོར་བུ་ཕྱག་རྒྱའི་ཚུལ།། བསྒོམ་དང་བསྒོམ་བྱ་གཉིས་མེད་དོན་རྟོགས་ན།། སོ་མང་རལ་གྲི་ཏིལ་མར་ངར་བཏབ་འདྲ།། དགེ་སྡིག་གཉིས་མེད་དོན་རྟོགས་ན།། མན་ཤེལ་སྐུ་ལྟར་རང
231b4 གི་རྒྱུད་དག་པས།། དཔེ་དོན་རྟགས་དང་གསུམ་གྱིས་ཚད་ལྡན་པས།། རྡོ་རྗེ་ལྟ་བུའི་ཏིང་འཛིན་ཐོབ་པ་ཡིན།། ལུང་གི་རྒྱལ་པོ་རིག་པའི་ཁུ་བྱུག་ལྟོས།། ཟིན་པས་རྩོལ་བའི་ནད་སྤངས་ཏེ།། ལྷུན་གྱིས་གནས་པར
231b5 བཞག་པ་ཡིན།། ཨ་ཏི་རང་སར་གནས་པའི་ལུང་།། རྒྱལ་ཚབ་ཆེན་པོ་བདེ་བའི་བཀའ།། བསྒྲུབ་མེད་རྩལ་སྤྲུག་སྨོན་པ་མེད་པ་ཡི།། བྱར་མེད་ལྷུན་རྫོགས་སྔ་མ་དེ་བཞིན་ཉིད།། རྟོག་དཔྱོད་རྣམ་དག་གཉིས་མེད
231b6 ཆོས་དབྱིངས་ལ།། ལོག་རྟོག་བྱིངས་པའི་སྤྱོད་པས་ཅི་ཞིག་བསླུ།། སངས་རྒྱས་དགོངས་པ་ཡེ་ནས་གནས་པ་ལ།། ད་ལྟ་ང་ལ་གནས་པར་བྱར་མེད་དེ།། བྱང་སེམས་བསྒོམ་པ་ཆུ་བོའི་ཀླུང་འབྱམས་ནས།། བསྒོམ་དང
iiif viewer powered by OpenSeadragon
