| e-texts navigator |
| Wylie |
230a1 རིག་པ་བྱུང་ངོ་།། རིགས་ཀྱི་བུ་དེའི་ཚེ་དེའི་དུས་ན། སངས་རྒྱས་མར་མེ་མཛད་སྟོང་གི་གཙུག་ཕུད་རིན་པོ་ཆེ་ངས། དགྱེ་བའི་གྲོགས་མེད་པའི་མཐོང་བའི་ཡུལ་ལ་ཤེས་པའི་རིག་པ་སྐད་ཅིག་མས་ཤེས
230a2 སོ།། ང་རང་བྱུང་གི་གཞི་ལ་འཁྲུལ་པ་མེད་པའི་ཕྱིར། དེའི་ཚེ་དེའི་དུས་ན་རྟོགས་པ་ཁྱད་པར་དུ་གྱུར་པའོ།། རིགས་ཀྱི་བུ་དེ་བཞིན་དུ་རྟོགས་པའི་དོན་ཐུགས་སུ་མ་ཆུད་པར། རྩོལ་བའི་བསམ་པས་སངས་རྒྱས་ན།།
230a3 རང་བྱུང་གི་ཡེ་ཤེས་རྫུན་པར་འགྱུར་རོ།། རིགས་ཀྱི་བུ་སངས་རྒྱས་ཀྱི་བདེན་པ་ནི་གར་སྦྱིན་ལ་སྦྲང་འདབ་ཆགས་པ་ལྟ་བུ་མི་གཏོང་ན་སེམས་ཅན་གྱི་བསམ་པས་ཅི་སྟེ་བཟུང་། དེ་ལྟ་བས་ན་བྱང་ཆུབ་ཀྱི་སེམས་མུན
230a4 སེལ་བདེ་བའི་སྐུ་ལ་རིག་པའི་སྐུ་ངོ་སྤྲད་པས་སྣང་སྲིད་གསལ་བར་ཤར་རོ།། དོན་གྱི་ངོ་སྤྲད་པས། ཚིག་དང་ཡི་གེར་འབྲེལ་ལོ།། ཡུལ་ཆོས་ཉིད་ལ་ངོ་སྤྲད་པས། སྣང་བ་རང་བཞིན་མེད་དེ། མེ་ལོང་ལྟ་བུའི་ཡེ་ཤེས
230a5 སོ།། ཀྱེ་གསང་བའི་བདག་པོ། བྱང་ཆུབ་ཀྱི་སེམས་རང་རིག་པའི་ཀློང་ལ་ཁྱབ་གདལ་འུབ་ཆུབ་སྤྱི་སྡུད་དོན་ཀློང་། ཕུག་རྡུགས་འབྱམས་ལས་ཉག་གཅིག་གོ། འཁོར་བ་དོང་སྤུག་ཆེན་པོའི་རྒྱུད་ལས། ཁམས་གསུམ
230a6 གྱི་སེམས་ཅན་བསད་པར་བསྟན་པའི་ལེའུ་སྟེ་གསུམ་པའོ།། །། དེ་ནས་ཡང་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། ཐབས་མཁས་པ། མེད་བཞིན་དུ་སྣང་བ། ནད་ཐམས་ཅད་སེལ་བར་བྱེད་པ་ཁྲོ
iiif viewer powered by OpenSeadragon
