| e-texts navigator |
| Wylie |
22a1 དབྱིངས་ཀྱི་སྣང་བ་སྐུ་དང་བཅས་པ་གསལ་ལོ།། སངས་རྒྱས་ཐིག་ལེ་ཉག་གཅིག་གི་དགོངས་པ་རང་བྱུང་གི་ཡེ་ཤེས་ཀྱི་ངང་ལས་མ་གཡོས་ན། སངས་རྒྱས་ཐམས་ཅད་ཀྱི་སྐུའི་དེ་བཞིན་ཉིད་མཐོང
22a2 བར་འགྱུར་རོ།། དེའི་ཚེ་གླང་པོ་ཆེའི་ལྟ་སྟངས་ཀྱི་དགོངས་པ་ལ་གནས་ཤིང་། སེང་གེའི་མཆོངས་སྟངས་ཀྱིས་ངོ་བོ་འབྲུ་ཚུགས་སུ་གཟུང་བར་བྱའོ།། ཁྱུང་ནམ་མཁའ་ལ་ལྡིངས་པའི་འགྲོས་ཀྱིས་རྗེས་བཅད་ནས།
22a3 སངས་རྒྱས་ཐམས་ཅད་ཀྱི་སྐུའི་ངོ་བོ་དེ་བཞིན་ཉིད་མཐོང་བར་འགྱུར་རོ།། དེའི་ཚེ་སྣང་བ་ཡེ་ཤེས་ལ་སློང་བའི་གདམས་ངག་ལ་གནས་པར་བྱའོ།། དེ་ནས་ཡང་བཅོམ་ལྡན་རྡོ་རྗེ་སེམས་དཔའ་ཉིད་ལ། སྣང་བའི་ལྷ
22a4 མོ་ཀུན་ནས་འོད་ཟེར་ཞེས་བྱ་བས།། འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀྱི་དགོངས་པ་ལ་ངོ་སྤྲད་པས་ཆོག་གམ། ངོ་སྤྲད་པ་ལ་དགོས་པ་ཅི་ཡོད། དེས་གྲོལ་བ
22a5 ལགས་སམ་ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་འཁོར་གྱི་ལྷ་དང་ཀླུ་དང་བྱང་ཆུབ་སེམས་དཔའ་རྣམས་ཉོན་ཅིག། ཡང་དག་པར་རྫོགས་པའི་སངས་རྒྱས་ལ་ངོ་སྐད་དུ་མེད་དོ།། སྤྲད་པའི་ཡུལ་མེད
22a6 དོ།། ངོས་བཟུང་ཐམས་ཅད་དང་བྲལ་བས་ངོ་སྤྲད་པའི་རྒྱུ་རྐྱེན་དང་བྲལ་བའོ།། ངོ་སྤྲད་པ་ལ་དགོས་པ་ནི་གང་ཡང་མེད་པར་བསྟན་པའོ།། རིགས་ཀྱི་བུ་རིག་པའི་དེ་བཞིན་ཉིད་མིག་གི་དེ་ཁོ་ན་ཉིད་ཅོག་བཞག་གིས
iiif viewer powered by OpenSeadragon
