| e-texts navigator |
| Wylie |
228a1 བསྲེག། སེམས་ཀྱིས་བག་ཆགས་རྣམ་འཕེལ་བསྲེག་མི་ནུས།། ཡེ་ཤེས་བག་ཆགས་བསྲེགས་ནས་སླར་མི་སྐྱེ།། ཆུ་ཡིས་སྦྱར་སྡུད་གཞན་དང་འགྲོགས་པར་བྱེད།། མེ་ནི་མེ་ཉིད་སྲེག་བྱེད་འགྲོགས་པ
228a2 མེད།། དེ་བཞིན་སེམས་ནི་རྣམ་རྟོག་བག་ཆགས་འགྲོགས།། ཡེ་ཤེས་བག་ཆགས་བསྲེགས་ནས་སླར་མི་འགྲོགས།། ཅི་ལྟར་མེ་ཡི་རྩེ་མོ་ལ།། སྦྲང་བུ་འདུ་རུ་ག་ལ་རུང་།། དེ་བཞིན་སངས་རྒྱས་ཡེ་ཤེས་སྒྲིབ་མེད
228a3 ལ།། ཉོན་མོངས་བག་ཆགས་འདུ་རུ་ག་ལ་རུང་།། དེས་ན་སེམས་ནི་རྣམ་རྟོག་བག་ཆགས་བསླད།། ཡེ་ཤེས་བག་ཆགས་བྲལ་བའི་རིག་པའོ།། སེམས་དང་ཡེ་ཤེས་དབྱེ་བའི་ཐབས་བསྟན་པའོ།། །། ལག་ན
228a4 རྡོ་རྗེ་ཁྱོད་ཉོན་ཅིག། རྣལ་འབྱོར་སྟོང་པའི་ངང་གནས་པས།། མུ་སྟེགས་འཁྲུལ་པའི་ལམ་དང་འདྲ།། སངས་རྒྱས་ལུས་ཀྱི་རྒྱན་བཟང་བ།། ཡེ་ཤེས་ལུས་ཅན་དྲི་མ་མེད།། ང་ལ་འདུན་ན་ཡེ་སངས་རྒྱས།། ཡ་ཐ་རྒྱལ
228a5 བའི་འཇིག་རྟེན་ནས།། མ་ཐ་དམྱལ་བའི་གནས་ཡན་ཆད།། རིག་པའི་ཡེ་ཤེས་རང་ངོ་མ་བཅོས་ལྷུན་གྱིས་གྲུབ་ལ་བཙལ་དུ་ཡེ་ནས་མེད། ཁྲོ་བོའི་རྒྱལ་པོ་འཇིགས་པའི་གཟུགས།། འཁོར་བའི་ཁྲག་ཞག་འཐུང་བ
228a6 པོ།། ཉོན་མོངས་སྐྱེད་པའི་ཆོས་རྣམས་ནི།། རང་བྱུང་ཡེ་ཤེས་བདག་མེད་སྐུ།། མི་གནས་ཤེས་རབ་ཕ་རོལ་ཕྱིན།། ཐུགས་རྗེ་སྦྲུལ་སྐུའི་ཞིང་ཁམས་ཀྱང་།། སྐྱེ་མེད་དག་པའི་ཀློང་དུ་འདས།། ངོ་བོ་ཉིད་ཀྱི་སྣང་བ
iiif viewer powered by OpenSeadragon
