| e-texts navigator |
| Wylie |
227b1 པས་འགྲོ་བ་རིགས་དྲུག་གི་སེམས་ཅན་ཐམས་ཅད་ཀྱི་སྲོག་བཅད་པར་བསྟན། བཞི་པས་རི་བོ་ཐམས་ཅད་ཁྱུར་མིད་དུ་བཟའ་བར་བསྟན། ལྔ་པས་ཉི་ཟླ་གོས་སུ་གོན་པར་བསྟན། དྲུག་པས་དམ་ཆོས་ཐམས་ཅད་ཆུ
227b2 བོ་ཆེན་པོ་ལ་དབོ་བར་བསྟན། བདུན་པས་སངས་རྒྱས་ཐམས་ཅད་དུར་དུ་གཞུག་པར་བསྟན་ནོ།། ཨ་ཨ། གདོད་ཅིག་གསང་བའི་བདག་པོ་ངས།། ཁྱེད་ལ་ལེགས་པར་བསྟན་པར་བྱ།། བཛྲ་ས་ཏྭ་གྷུ་རུ་པ་ལ་པྲ་བེ་ཤ
227b3 ཡ། མ་རིག་མུན་པའི་ཁ་འབྱེད་ཉི་མའི་འོད་པོ་ཆེ།། ཀུན་ལ་སྙོམས་པའི་ཟེར་ལྡན་བྱམས་ཐུགས་ཅན།། དཔག་བསམ་ཤིང་བཞིན་ཟད་མེད་ཡིད་བཞིན་གཏེར།། དགོས་དགུ་ཕུན་སུམ་ཚོགས་པའི་སྲིད་གསུམ
227b4 གཉེན།། ཐུགས་རྗེའི་ཞགས་པས་རིགས་དྲུག་སེམས་ཅན་འཆིང་།། འགྲོ་བ་འདམ་ནས་འདྲེན་མཛད་ལྕགས་ཀྱུ་ཅན།། སེམས་ཀྱི་མུན་པ་ཁ་འབྱེད་རྩལ་མངའ་བ།། སྒོ་གསུམ་དང་བས་ཕྱག་འཚལ་སེམས་དང་ཡེ
227b5 ཤེས་དབྱེ།། སེམས་དང་ཡེ་ཤེས་གཉིས་ཀྱི་ཁྱད་པར་བསྟན་པ་ཡང་།། སེམས་ནི་ཆུ་དང་འདྲ་སྟེ་ཐམས་ཅད་སྡུད།། ཡེ་ཤེས་མེ་དང་འདྲ་སྟེ་ཐམས་ཅད་བསྲེག། ཆུ་ཡིས་ལྡན་ལྗིན་ལེན་བྱེད་བསྲེག་པ་མིན།། མེ་ཡིས་ལྡན
227b6 ལྗིན་སྲེག་བྱེད་སྡུད་པ་མིན།། མེ་ཡིས་སྒུར་བསྲེག་ཆགས་པར་བྱེད་མི་སྲིད།། ཆུ་ཡིས་སྐུར་སྡུད་བསྲེག་པར་བྱེད་མི་སྲིད།། དེ་བཞིན་སེམས་ཀྱིས་དགེ་སྡིག་བག་ཆགས་སྡུད།། ཡེ་ཤེས་མེ་ཡིས་རྣམ་རྟོག་བག་ཆགས
iiif viewer powered by OpenSeadragon
