| e-texts navigator |
| Wylie |
226a1 དགོངས་པ་འཕོ་འགྱུར་མེད་པར་བྱེད།། འགྱུར་མེད་འགག་མེད་འདུ་འབྲལ་མེད།། སྐུ་གསུམ་ཛ་ལོག་དགོངས་པ་ནི།། གསལ་བ་གསུམ་ལྡན་རྡོ་རྗེ་ལ།། དབྱེར་མེད་རྩེ་གཅིག་ཡེ་ཤེས་སྤྱན།། མི་བརྗེད
226a2 གཟུངས་བསྙེམས་ཆོས་ལས་གྲོལ།། དུས་དིར་ཡུལ་གསུམ་གཅིག་ཏུ་འདུས།། རང་བཞིན་རྣམ་དག་སྣང་བ་ཡིན།། ལུས་གསུམ་གཅིག་ལ་རྫོགས་པ་ནི།། འགྱུར་བ་མེད་པའི་རིན་ཆེན་སྦུབས།། སྤྱན་གསུམ་གཅིག་ཏུ
226a3 འཁྱིལ་པ་ནི།། ཡེ་ཤེས་མིག་གཅིག་དྲི་མ་མེད།། གྲོལ་བའི་དགོངས་པ་མཐར་ཕྱིན་པའོ།། ཆོས་ཀྱི་མཐའ་ལས་གྲོལ་བའོ།། སངས་རྒྱས་ལ་ནི་ཡུལ་མེད་དོ།། ཡེ་ཤེས་ལ་ནི་ཆོས་མེད་དོ།། འབྲས་བུ་དེ་ལ་བདག་མེད
226a4 དོ།། དགོངས་པ་དེ་ལ་ཐུན་མེད་དོ།། ཡང་དག་མཐའ་ལས་གྲོལ་བ་ཡི།། མི་བསྐྱོད་སྟོབས་ཀྱིས་གཅོད་བྱེད་པས།། མྱ་ངན་འདས་ལ་གོམ་པ་གཅིག། གསུམ་རྫོགས་མཐར་ཕྱིན་ལྔ་ཉིད་དག། མཐར་རྫོགས་གཅིག་པུ
226a5 ལྷུལྡན་གྱིས་གྲུབ།། རང་བཞིན་མ་བཅོས་ཇི་བཞིན་གནས།། རྡོ་རྗེའི་གདན་ལ་གྲུབ་མཐར་ཕྱིན།། ཞེས་གསུངས་སོ།། དེ་ནས་ལག་ན་རྡོ་རྗེ་དང་། སྤྱན་རས་གཟིགས་དང་། འཇམ་དཔལ་དང་། མཁའ་འགྲོ་མ་ཟ་བྱེད
226a6 ཤན་ཏིང་ཐོད་པའི་ཕྲེང་བ་ཅན་དང་། རྡོ་རྗེ་ཁྲོ་གདོང་མ་དང་། ནམ་མཁའི་བུ་མོ་རྡོ་རྗེ་རླུང་གི་གཤོག་པ་ཅན་དང་། གཙུག་གི་རྒྱན་གཅིག་མ་དང་། པུ་ར་ཎ་ཉེ་བར་ཞི་བ་དང་། རིག་པ་འཛིན་པ་རྣམས་དགྱེས་ཏེ།
iiif viewer powered by OpenSeadragon
