| e-texts navigator |
| Wylie |
225a1 ལམ་འཆར།། ཡོན་ཏན་སྐུ་དང་ཡེ་ཤེས་སོ།། ལོངས་སྤྱོད་རྫོགས་པའི་ངོ་སྤྲོད་ནི།། འདྲ་འབག་མཆེད་སྐུ་གཉིས་ལ་སྤྲད།། ལོངས་སྐུ་ལྔ་ལྡན་ངོ་སྤྲོད་ཀྱིས།། ལོངས་སྐུ་རང་གནས་དོན་རྟོགས་ཤིང་།། མ
225a2 ཧཱ་ཡོ་གའི་དགོངས་པ་ཆོད།། སྦྲུལ་སྐུ་འོད་འཁྱིལ་ངོ་སྤྲོད་ཀྱིས།། སྦྲུལ་སྐུ་རང་གནས་དོན་རྟོགས་ཤིང་།། ཨ་ནུ་ཡོ་གའི་དགོངས་པ་ཆོད།། སྐུ་གསུམ་འདུ་འབྲལ་མེད་པ་ནི།། ཉི་མའི་སྙིང་པོ་གཉིས་ལ་སྤྲད།། འདུ
225a3 འབྲལ་མེད་པའི་ངོ་སྤྲོད་ཀྱིས།། དབྱེར་མེད་རང་གིས་རང་རྟོགས་ཤིང་།། རྫོགས་ལྡན་ཆེན་པོའི་དགོངས་པ་ཆོད།། རང་བཞིན་གནས་པའི་བར་དོ་ལ།། རང་རིག་ལྟ་བས་ཟག་བཅད་དེ།། དེ་ལྟར་ཤེས་ན་ཐེ་ཚོམ
225a4 ཚོད།། བློ་ཡིས་ཐེ་ཚོམ་བཅད་པ་མིན།། གྲོལ་བའི་དགོངས་པ་དམ་པ་ཡིན།། ཐེ་ཚོམ་ཆོད་པས་བློ་ལས་གྲོལ།། བལྟར་མེད་བལྟ་བའི་གདེང་ལ་གནས།། བགྲོད་མེད་ལུས་ངག་བྱ་བ་གློད།། རྩ་དང་རླུང་གི་ངག་སྒོ
225a5 བསྡམས།། རྒྱལ་པོ་གདན་ལ་བཞག་པར་བྱ།། བློན་པོ་བཙོན་དུ་གཟུང་བར་བྱ།། དམངས་རྣམས་ཆམ་ལ་དབབ་པ་དང་།། སྲོད་ལ་དབང་པོ་གནད་དུ་བསྡུ།། ནམ་ཕྱེད་ཤེས་པ་བུམ་པར་གཞུག། ཐོ་རངས་དབང་པོ
225a6 རང་གྲོལ་ལ།། ཉིན་མོ་སྣང་བ་རང་ཤར་བཤད།། བཤད་པ་རྣམ་དག་བདེ་བ་ཆེ།། ཏིང་འཛིན་པར་དོར་གསལ་གདབ་ཅིང་།། དབུགས་འཕོས་དུས་ན་སེམས་སྒོ་བཅད།། ལམ་གྱི་མཐའ་ནི་ཟད་པའི་དུས།། སྣང་བ
iiif viewer powered by OpenSeadragon
