| e-texts navigator |
| Wylie |
224b1 བ།། མེ་ལོང་ལྟ་བུའི་ཡེ་ཤེས་ཡིན།། དེ་དང་མ་བྲལ་མཉམ་པ་ཉིད།། ཤེས་རབ་མ་འགག་ཆོས་རྣམས་མཁྱེན།། སོ་སོར་རྟོགས་པའི་ཡེ་ཤེས་ཡིན། ཚིག་གཅིག་ཆད།། བྱ་བ་གྲུབ་པའི་ཡེ་ཤེས་ཡིན།། མངོན་དུ་མ་གྱུར་ཆ་ལྔ
224b2 ཡིན།། ཟུར་གསུམ་སྐུ་གསུམ་རྟགས་ཡིན་ཏེ།། དཀར་སྨུག་རྟག་པ་འོད་ཀྱི་རྟགས།། རྩ་བཞི་ཡེ་ཤེས་བཞི་རུ་བསྟན།། མ་འཁྲུལ་པ་ཡི་སངས་རྒྱས་ཏེ།། དོན་གྱི་ངོ་སྤྱོད་ཐག་ཆོད་ཡིན།། འདུག་ཚུལ་འོད་དུ་འདུག་པ
224b3 ལ།། སྣང་ཚུལ་ཕྱི་ནང་མེད་པར་སྣང་།། རྒྱང་ཞགས་ཆུ་ལ་འོད་གསལ་བ།། རྟགས་ཀྱི་ཡེ་ཤེས་ཚོན་གང་བ།། མི་འགྱུར་བ་ཡི་བལྟ་བ་ཡིན།། རྟགས་ཀྱི་ངོ་སྤྱོད་ཡིད་ཆེས་འགྱུར།། རྡོ་རྗེ་སེམས་དཔའི་མེ་ལོང་ནི།། མ
224b4 བྱས་པ་ཡི་ཆོས་ཡིན་ཏེ།། དཔེ་དང་ཡེ་ཤེས་དམ་པ་ཡིན།། ཆོས་ཀྱི་སྐུ་ཡི་ངོ་སྤྱོད་ཀྱིས།། ཆོས་སྐུ་རང་གནས་དོན་རྟོགས་ཤིང་།། རྫོགས་པ་ཆེན་པོའི་དགོངས་པ་ཆོད།། སེམས་དང་ཡེ་ཤེས་རྣམ་པ་གཉིས།། སེམས་ཀྱི
224b5 ངོ་བོ་དབུགས་ཡིན་ཏེ།། བཞུགས་པའི་གནས་ནི་གློ་བ་ལ།། རྒྱུ་བའི་གནས་ནི་མགྲིན་པ་ལ།། སྒོ་ནི་ཁ་དང་སྣ་བུག་གཉིས།། སྐྱོན་ནི་འཁོར་བའི་ཆོས་སུ་སྣང་།། དེ་ཡི་ཡུལ་ནི་འཁྲུལ་པ་སྟེ།། མ་དག་འཁྲུལ་པའི་སྣང
224b6 བ་ཡིན།། གཟིགས་པའི་སྤྱན་ནི་ཤེས་རབ་བོ།། རྟོག་བཅས་དོན་དཔྱོད་ཤེས་རབ་ཅན།། ཡེ་ཤེས་ངོ་བོ་གསུམ་བརྩེགས་ཡིན།། ཡེ་ཤེས་བཞུགས་གནས་ཙིཏྟ་ཡིན།། ལམ་ནི་དར་དཀར་སྐུད་པ་སྟེ།། དེ་ཡི་སྒོ་ནི་སྤྱན
iiif viewer powered by OpenSeadragon
