| e-texts navigator |
| Wylie |
223b1 དང་པོ་ལ།། རྡོ་རྗེ་སེམས་དཔའ་སངས་རྒྱས་སྤྱན།། ས་སྙིང་སྒེག་མོ་བྱམས་པ་དང་།། མེ་ཏོག་བཞིས་བསྐོར་ཚོམ་བུ་གཉིས།། མཱ་མ་ཀི་དང་རིན་འབྱུང་ལ།། ནམ་སྙིང་ཕྲེང་བ་ཀུན་བཟང་དང་།། སྤོས་མ་བཞིས་བསྐོར
223b2 ཚོམ་བུ་གསུམ།། སྣང་བ་མཐའ་ཡས་གོས་དཀར་མ།། སྤྱན་རས་གླུ་མ་འཇམ་དཔལ་དང་།། མར་མེ་བཞིས་བསྐོར་ཚོམ་བུ་བཞི།། དོན་ཡོད་དམ་ཚིག་སྒྲོལ་མ་ལ།། ཕྱག་རྡོར་གར་མ་སྒྲིབ་སེལ་དང་།། དྲི་ཆབ་བཞིས
223b3 བསྐོར་ཚོམ་བུ་ལྔ།། འགྲོ་དྲུག་འདུལ་བའི་ཐུབ་པ་དྲུག། ཚད་མེད་བཞིས་འདུལ་སྒོ་བ་བཞི།། མཐའ་བཞི་ལས་གྲོལ་སྒོ་མ་བཞི། དབྱིངས་དང་ཡེ་ཤེས་མི་འབྲལ་བས།། ཀུན་བཟང་ཡབ་དང་ཡུམ་དུ་གནས།། དཀར
223b4 དང་དམར་མཐིང་སེར་དང་ལྡང་།། འཁོར་ལོ་རྡོ་རྗེ་རིན་ཆེན་པད།། རྒྱ་གྲམ་ཐུགས་ཀྱི་དགོངས་ན་གསལ།། མཚན་དཔེ་ཚུལ་དགུ་བཞུགས་གདན་བཅས།། སྣང་མེད་མཁའ་ལ་འཇའ་ཚོན་དགུ།། བརྗོད་མེད་སྤྲོས
223b5 བྲལ་ཀློང་དུ་ཤར།། ཡོན་ཏན་སྐུར་གྲུབ་རྟོག་ཚོགས་གྲོལ།། དག་པ་འཇིག་རྟེན་སྣང་བ་ཡིན།། རྟོག་མེད་རྣམ་མཁྱེན་ཆོས་ཀྱི་སྤྱན།། མཁའ་ལ་ཉི་མ་ཤར་བ་བཞིན།། མེ་ལོང་བཞིན་དུ་གཟིགས་པར་གྱུར།། རྣམ་རྟོག
223b6 མི་མངའ་ས་ལེ་མཁྱེན།། ཟག་མེད་ཡེ་ཤེས་ཕྱིར་གསལ་དུས།། མངོན་པར་ཤེས་པ་དྲུག་དང་ལྡན།། རྫོགས་ལྡན་དགོངས་པ་སྦྱོར་བ་གསུམ།། སྤྱན་གྱིས་ཡར་གཟིགས་མར་ལ་སྣང་།། ཐད་ཀ་རང་ལ་གསལ་བ
iiif viewer powered by OpenSeadragon
