| e-texts navigator |
| Wylie |
223a1 སྤྲོས།། དོན་གྲུབ་སྒྲ་ནི་ཇི་བཞིན་མ།། ཕྱག་རྒྱ་ལྔ་ཡི་འཁོར་ལོ་ལས།། དངས་སྙིགས་འབྱེད་དང་སྲོག་འཛིན་པ།། སྙིང་རྗེ་མེད་པའི་ལས་རླུང་བསྐྱོད།། སེམས་དང་ཡེ་ཤེས་རྒྱབ་གྱེས་པས།། སེམས་ནི
223a2 ནམ་མཁར་དངས་ཤེས་བྱ།། ཡེ་ཤེས་འོད་དུ་འཆར་ཞེས་བྱ།། སྣང་བ་ལྔ་དང་ལམ་ལྔ་དང་།། ངོ་བོ་ཐུགས་རྗེས་རྒྱུན་ཐོགས་པ།། ཉི་ཤར་སྒྲོན་མེ་ཐོགས་པ་བཞིན།། ཆོས་ཉིད་བར་དོའི་སྣང་བ་འཆར།། ཡེ་ཤེས་ངོས
223a3 གཟུང་གདམས་ངག་བྱ།། དབང་པོ་རབ་ལ་བར་དོ་མེད།། འཇུག་དང་སྣང་དང་ཤེས་ལས་གྲོལ།། མཐར་ཕྱིན་པ་རྣམས་དུས་མཚུངས་གཅིག། དབང་པོ་རབ་འོག་སྐད་ཅིག་དྲུག། དང་པོ་འཁོར་བ་དོང་ནས
223a4 སྤྲུསྡུག། གཉིས་པ་བདེ་མཐོང་གསུམ་པ་བསྟན།། བཞི་ལྔར་མངོན་ཤེས་ཐུགས་རྗེ་འཆར།། དྲུག་པ་མྱ་ངན་འདས་པ་ཡིན།། འབྲིང་ནི་མ་ཡེངས་ཅིག་ཆར་འཆར།། སྐྱེ་བ་རིམ་སྐྱེ་ཟད་ཀར་ཆོད།། དབང་པོ་ཐ་མའི་ཐ་མ
223a5 གཅིག། འཁོར་བའི་རྟོད་ཕུར་མ་ཕྱིན་པས།། བག་ཆགས་ལུས་ལེན་འཁོར་བར་འདུས།། སྲིད་པའི་བར་དོར་ལས་འཕྲོ་མཐུད།། འོད་གསལ་ཡེ་ཤེས་སྒྱུ་མའི་དབུགས།། དབུགས་ཆད་ཡེ་ཤེས་འཆར་དུས་ན།། ལྔ་ལྡན
223a6 བདེ་གཤེགས་སྣང་བ་འཆར།། རྡོ་རྗེ་དབྱིངས་ཀྱི་དཀྱིལ་འཁོར་ནི།། རིགས་ལྔའི་འོད་གསལ་ཚོམ་བུ་ལྔ།། རྣམ་སྣང་ཡབ་ཡུམ་དབུས་ན་གནས།། རིགས་བཞི་ཡབ་ཡུམ་ཕྱོགས་བཞིར་བྱུང་།། ཚོམ་བུའི་དཀྱིལ་འཁོར
iiif viewer powered by OpenSeadragon
