| e-texts navigator |
| Wylie |
222b1 བྱོན།། བསྐལ་པ་ཐ་མར་གནས་པའོ།། ཡུལ་ལ་ཐིག་ལེ་འོད་ལྔ་དང་།། སྐུ་དང་ཡེ་ཤེས་རྣམ་པ་ལས།། ཤེས་པ་ཡེ་ཤེས་ལྔ་རུ་ཤེས།། གྲུབ་པ་རྒྱལ་བ་ཉིད་དུ་གྲུབ།། གྲོལ་བ་ཡེ་ཤེས་ཆེན་པོར་གྲོལ།། ལེན་མ་མྱོང་བའི
222b2 ལུས་བླངས་པས།། ཡེ་ཤེས་རང་ས་ཟིན་པ་ཡིན།། མཐོང་མ་མྱོང་བའི་ཡུལ་མཐོང་བས།། ཆོས་ཉིད་མ་དང་འཕྲད་པ་ཡིན།། ཤེས་མ་མྱོང་བའི་གཏམ་ཤེས་པས།། རང་བྱུང་མངོན་དུ་གྱུར་པའོ།། ཉིད་ལ་ཉིད་གླེང་འདི
222b3 སྐད་གསོལ།། མཉམ་པའི་རྒྱལ་པོ་ཀུན་རིག་ཆོས་ཀྱི་རྗེ།། འོག་མིན་རྡོ་རྗེ་དབྱིངས་ཀྱི་དཀྱིལ་འཁོར་དུ།། རྡོ་རྗེ་སེམས་དཔའ་རང་སེམས་རྟོགས་བྱའི་ཕྱིར།། བླ་མེད་ངོ་མཚར་ཆེ་བའི་སངས་རྒྱས་འདི།། རྩ་བ་བཅད
222b4 པས་སངས་རྒྱས་སེམས་ལས་བྱུང་།། སེམས་ཀྱི་བསམ་པ་བདག་ལ་བསྟན་དུ་གསོལ།། རིགས་ལྔ་བདེ་བར་གཤེགས་པས་བཀའ་སྩལ་པ། སེམས་ལས་སངས་རྒྱས་འོང་བར་ནི།། མ་གསུངས་མི་གསུང་གསུང་མི
222b5 འགྱུར།། མ་གསུངས་པ་ཉིད་རྒྱ་ཆེར་བཤད།། མི་བསྐྱོད་པ་ཉིད་ཇི་བཞིན་གཞི།། ཐུགས་ལ་ཉི་མ་བཞི་ཤར་བ།། སྐུ་གསུམ་ཡེ་ཤེས་ལྔ་ལྡན་པས།། དོན་གྱི་ངོ་སྤྲོད་གདམས་པར་བཞག། རིན་འབྱུང་དོན་ནི་ཇི་བཞིན
222b6 མ།། ཐུགས་ལ་འོད་ལྔའི་སྤྲོ་བ་བྱུང་།། སྤྱན་ལ་ཐིམ་པས་རྟགས་སུ་བཞག། སྣང་མཐའི་དཔྱད་ནི་ཇི་བཞིན་མ།། དངོས་སུ་ཤེལ་གྱི་མཆོད་རྟེན་བབས།། རྡོ་རྗེ་སེམས་དཔའི་མེ་ལོང་སྟེ།། དཔེ་ཡི་ཡེ་ཤེས་ཡོངས་སུ
iiif viewer powered by OpenSeadragon
