| e-texts navigator |
| Wylie |
221b1 དྲི་མེད་པ།། སྐུ་གསུམ་ཡེ་ཤེས་ལྔ་ལྡན་ཏེ།། རྣམ་གྲངས་རིམ་པ་གསུང་དུ་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་ཀྱིས། སྤྱི་དོན་ཡོངས་སུ་སྡུད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི
221b2 གསུངས་སོ།། རིག་པ་འཛིན་པ་ཀུན་ཉོན་ཅིག། ཐིག་ལེ་གསང་བའི་ལམ་མཆོག་ནི།། བགྲོད་མེད་རྟོགས་པ་རྡོ་རྗེའི་ལམ།། ཡེ་ཤེས་སྟོང་ཉིད་རང་སྣང་འདི།། ཡེ་ནས་གནས་པའི་གནས་ཚུལ་དང་།། མ་རྟོགས་འཁྲུལ
221b3 པའི་འཁྲུལ་ཚུལ་དང་།། འཁྲུལ་པ་ལོག་པའི་གྲོལ་ཚུལ་གྱིས།། རྣལ་འབྱོར་དབང་ཕྱུག་ཆེན་པོར་འགྱུར།། བསྐལ་པ་དང་པོ་ཐོག་མ་ན།། སངས་རྒྱས་འོད་དུ་མི་འགྱུར་བཞུགས།། ངོ་བོ་ཉིད་ཀྱི་སྣང་བ་ལ།། ངོ་བོ་ཉིད
221b4 ཀྱི་སྐུ་ཤར་བ།། ནམ་མཁའ་དང་ནི་ཉི་མ་བཞིན།། ས་བོན་གཞི་ལ་རྫོགས་པའི་དུས།། མ་ཆད་པ་ཡི་ཡུལ་ཅན་ན།། སྙིང་པོ་བཅུད་དུ་དྲིལ་བར་གནས།། མ་བྱོན་སྔོན་རོལ་འདས་པའི་དུས།། གཞི་སྣང་ཆེན་པོའི་གནས
221b5 ལུགས་ཡིན།། ཆོས་ཉིད་ཡུལ་གྱི་འཁྲུལ་གཞི་དང་།། འོད་ལྔ་ལུས་ཀྱི་འཁྲུལ་གཞི་དང་།། རིག་པ་སེམས་ཀྱི་འཁྲུལ་གཞི་དང་།། གནས་དང་དབུས་ལ་རྟོག་བྱས་ནས།། མ་རིག་ལྷན་ཅིག་སྐྱེས་པས་བསྒྲིབས།། ཀུན
221b6 བརྟགས་མ་རིག་པ་ཡིས་བསླད།། རྒྱུ་ཡི་རྐྱེན་དང་བདག་པོའི་རྐྱེན།། དམིགས་པའི་རྐྱེན་དང་མཚུངས་པའི་རྐྱེན།། དྲན་བྱེད་ཀུན་ཏུ་ཚོལ་བའི་ཡིད།། ངེས་པར་འཇོག་དང་གཏན་ལ་འབེབས།། ཆོས་ཉིད་འབྱུང་བ
iiif viewer powered by OpenSeadragon
