| e-texts navigator |
| Wylie |
221a1 བྱང་ཆུབ་ཀྱི་སེམས་རྒྱལ་མཚན་རྩེ་མོའི་རྒྱུད་ལས། སངས་རྒྱས་ཀྱི་རིང་བསྲེལ་གང་ཟག་ལ་གདམས་པར་བསྟན་པའི་ལེའུ་སྟེ་ལྔ་པའོ།། རྫོགས་སོ།། རྒྱ་རིམ་པ་བརྒྱ་ཡིས་བཏབ
221a2 བོ།། །། @#།། རྒྱ་གར་སྐད་དུ། མ་ཧཱ་སནྟི་ཏི་ལ་ག་གུ་ཧྱ་ཏི་ཏཱ་ནི་ཡ་མ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་ཐིག་ལེ་གསང་བ་དེ་ཁོ་ན་ཉིད་ངེས་པའི་རྒྱུད་ཅེས་བྱ་བ། བཅོམ་ལྡན་འདས
221a3 དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། དབྱིངས་རྣམ་པར་དག་པའི་ཐིག་ལེའི་ཀློང་། རང་བཞིན་རྣམ་པར་དག་པའི་ཕོ་བྲང་ན། བཅོམ་ལྡན་འདས་རྡོ་རྗེ་སེམས
221a4 དཔའ་ཉིད། ཡེ་ཇི་བཞིན་པ་ཡི་རྡོ་རྗེ་འཆང་ཆེན་པོ་དང་། རྒྱུད་དག་པའི་རྡོ་རྗེ་འཆང་ཆེན་པོར་རྫོགས་པས། ནོར་བུ་རིན་པོ་ཆེ་ཉི་མའི་སྙིང་པོར་གྱུར་པའོ།། དེ་ཉིད་ལས་མི་གཞན་པའི་དབང་གི་ཆུ་བོ་དང་། ཐུགས་རྗེ
221a5 རང་བྱུང་དབང་གི་ཆུ་བོ་དང་། ཡེ་ཤེས་རྣམ་ལྔ་དབང་གི་ཆུ་བོ་དང་། དཔའ་བོ་འབྲུ་ལྔ་དབང་གི་ཆུ་བོ་བཞིས། རིག་པའི་རྩལ་དབང་རྫོགས་པའི་རང་སྣང་གི་འཁོར་དམ་པའི་དཔལ་བཞི་དང་། མཁའ་འགྲོ་མ་ལྔ་བྱང
221a6 ཆུབ་སེམས་དཔའ་གསུམ་དང་། སྤྲུལ་པ་བདུན་དང་། དེའི་ཚེ་ཐབས་ཅིག་ཏུ་བཞུགས་སོ།། དེ་ནས་ལག་ན་རྡོ་རྗེ་གདན་ལས་བཞེངས་ཏེ་འདི་སྐད་གསོལ་པ། ཐིག་ལེ་ཉག་གཅིག་མཚོན་པ་ཡི།། གཞི་ལམ་འབྲས་བུ
iiif viewer powered by OpenSeadragon
