| e-texts navigator |
| Wylie |
219a1 སའི་ཁ་དོག་དང་། རྩི་ཤིང་དང་མེ་ཏོག་གི་ཁ་དོག་དཀར་དམར་ལྔར་སྣང་བ་ཐམས་ཅད་ཀྱང་། ངའི་སྐུའི་རོལ་པ་ལས་བྱུང་བ་ཡིན་ནོ།། ཞེས་དྲི་བ་དང་པོའོ།། དེ་ནས་ཡང་བཅོམ་ལྡན་འདས་ཀྱིས
219a2 བཀའ་སྩལ་པ། བྱང་ཆུབ་སེམས་དཔའ་ཆོས་ཀྱི་སྐུ་ནི་རང་བཞིན་གྱིས་རྣམ་པར་དག་ནས་བརྗོད་པའི་མཐའ་ལས་ཀྱང་འདས། ཚིག་དང་དབང་པོའི་སྤྱོད་ཡུལ་མེད་ཀྱང་། ངའི་རང་བཞིན་ཆེན་པོ་ལྔར་ཡེ་ནས་སངས
219a3 རྒྱས་པས། གཟུགས་ཀྱི་སྐུའི་འོད་ཟེར་ལྔར་སྣང་བ་ཡིན་ཏེ། དེ་ཅིའི་ཕྱིར་ཞེ་ན། ངའི་སྐུ་ཡེ་ཤེས་སྒྱུ་མའི་ལུས་སུ་མ་བསྟན་ན་ངོ་བོ་དང་རང་བཞིན་དེ་བཞིན་གཤེགས་པས་མི་གཟིགས་མི་མཁྱེན་ནོ།། ངའི་ཐུགས་རྗེ
219a4 སྤྲུལ་པའི་སྐུ་འོད་དུ་བསྟན་པས། སེམས་ཅན་རྣམས་ཀྱི་ཤེས་པར་བྱ་བའི་ཆེད་དུ། དབུའི་ཐོར་ཚུགས་དང་། མཛོད་སྤུའི་བུ་ག་དང་། ཤངས་ཀྱི་རླུང་སྒྲོམ་དང་། ལྗགས་ཀྱི་པད་མོ་དང་། ཐུགས་ཀྱི་དཔལ་བེའུ་དང་། བ
219a5 སྤུའི་བུ་ག་ཡན་ཆད་ནས་འོད་ཟེར་ལྔ་བྱེ་བ་དྲུག་ཏུ་འགྱེད་པའོ།། འོད་ཟེར་དེ་ཡང་དཔག་ཏུ་མེད་པ་བགྲང་དུ་མེད་པའོ།། ཞེས་དྲི་བ་གཉིས་པའོ།། དེ་ནས་ཡང་བཀའ་སྩལ་པ། བྱང་ཆུབ་སེམས་དཔའ་སེམས་དཔའ
219a6 ཆེན་པོ་ཁྱོད་ཀྱིས་དྲིས་པ་དེ་ལེགས་སོ།། ཡང་དག་པར་རྫོགས་པའི་སངས་རྒྱས་ལ་ཐུགས་རྗེ་དང་རྫུ་འཕྲུལ་བསམ་གྱིས་མི་ཁྱབ་ཅིང་བརྗོད་ཀྱིས་མི་ལངས་པ་དེ་དག་ཀྱང་ཁྱོད་ལས་འབྱུང་བར་འགྱུར་རོ།། ཅི་སྟེ
iiif viewer powered by OpenSeadragon
