| e-texts navigator |
| Wylie |
218b1 བུ་སངས་རྒྱས་ཀྱི་བར་དུ་བླ་མ་དམ་པ་ལ་དྲི་བར་བྱའོ།། བདེན་པ་མ་མཐོང་བའི་བར་དུ་བསྒོམས་པས་མཐོང་བར་མི་འགྱུར་རོ།། ཞེས་བྱང་ཆུབ་ཀྱི་སེམས་རྒྱལ་མཚན་རྩེ་མོའི་རྒྱུད་ལས། ཆེ་བའི་ཡོན་ཏན་བསྟན་པའི
218b2 ལེའུ་སྟེ་གསུམ་པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས། སྤྱི་དོན་ལྔ་བཀྲོལ་བའི་གདམས་ངག་བསྟན་པ། དབང་པོ་གཞི་བསྡུ། ཆོས་ཉིད་ངོ་སྤྲད། རིག་པ་གོས་གོན། ཡེ་ཤེས་མ་བུ
218b3 སྤྲད། ནོར་བུ་རྒྱལ་ས་བཟུང་ངོ་།། དབང་པོ་གཞི་བསྡུ་བ་ལ་ལྔ་སྟེ། བདག་སྲིད་པའི་རྩེ་མོ་བརྒལ་ནས། དབང་པོ་ཚོགས་དྲུག་འགགས་པའི་དུས་སུ། བྱང་ཆུབ་སེམས་དཔའི་ཁྱེའུ་སྔ་མ་ལ་བཞི་སྟེ། ཁྱེའུ་སའི་སྙིང་པོ།
218b4 རིགས་རྡོ་རྗེའི་རིགས། འབྱུང་བ་སའི་རང་བཞིན། སྐུ་མི་བསྐྱོད་པའི་སྤྲུལ་པ། རང་བཞིན་སངས་རྒྱས་པའི་རྒྱུན་གྱི་རྟག་པས། དེའི་ཕྱིར་ནི་སྟོང་པ་ཡེ་ཤེས་ཀྱི་སྙིང་པོ་ཅན་ཞེས་བྱ་སྟེ། ངའི་རང་བཞིན་ནི་མཛེས་པའི་ལྷ
218b5 མོ་འོད་ཟེར་ཅན་ཞེས་བྱ་བ་ཡིན་ཏེ། སེམས་ཅན་རྣམས་ལ་ཚད་མེད་པ་བཞི་འགག་པ་མེད་པར་སྐྱོབ་པའི་ཕྱིར། ལྷ་མོ་ཡོན་ཏན་ལ་རང་བཞིན་དག་པའི་ཕྱིར་ནས་འོད་ཟེར་འབྱུང་བས་ངའི་སྤྲུལ་པའི་སྐུ་འོད་ཟེར་དུ
218b6 སྣང་ངོ་།། དེའི་ཕྱིར་སྟོང་གསུམ་གྱི་སྟོང་ཆེན་པོ་ལ་འཇིག་རྟེན་གྱི་ཁམས་འོད་ཟེར་གྱིས་སྣང་བར་ནུས་པའོ།། དེའི་རྩལ་སྣང་བ་ནམ་མཁའ་ལ་སྤྲིན་གྱི་ཁ་དོག་དཀར་དམར་དུ་སྣང་བ་དང་། ས་གཞི་ལ་རིན་པོ་ཆེ་དང་།
iiif viewer powered by OpenSeadragon
