| e-texts navigator |
| Wylie |
218a1 མེད་པས།། དངོས་གྲུབ་གཞན་ལ་རེ་བ་མེད།། ང་ལ་བསྟན་པའི་ཚིག་མེད་པས།། སྨྲ་བསམ་ཡུལ་ལས་འདས་པ་ཡིན།། ང་ལ་བླ་མ་རྗེ་མེད་པས།། ཡེ་ཤེས་ཁྱད་པར་འཕགས་པ་ཡིན།། ང་ལ་གདུལ་བྱ
218a2 གཞན་མེད་པས།། སྙིང་རྗེ་ཆེན་པོ་ཅིར་མི་མཛད།། ང་ཉིད་འོད་ཀྱི་རང་བཞིན་པས།། ཐབས་ཀྱི་ཡེ་ཤེས་དབྱིང་ན་གསལ།། ཉི་མའི་སྙིང་པོར་རང་ཤར་བས།། འབྱུང་བ་ལྔ་པས་གཙོ་ཆེན་ཡིན།། ནམ་མཁའ་དག། རི
218a3 རབ་ལྟ་བུར་གཟུགས་ཆེ་བས།། གོམ་པ་གཅིག་གིས་ཕ་རོལ་ཕྱིན།། ཀུན་གཞི་ཁ་དང་ཞབས་མེད་པས།། སྣང་སྲིད་ལྟོ་རུ་ཟོས་ཀྱང་ང་མི་འགྲངས།། ནམ་མཁའ་གོས་སུ་གོན་ཀྱང་ང་མི་ཡོགས།། ས་གཞི་གདན་དུ
218a4 བཏིང་ཡང་ང་མ་འདུས།། ཉི་ཟླ་བང་དུ་བླངས་ཀྱང་ང་མ་དྲོས།། ཀྱེ་ཀྱེ་གསང་བའི་བདག་པོ་ལགས།། ཡེ་ཤེས་རྒྱལ་པོ་ཚིག་ལས་འདས་པ་ལ།། ལུང་དང་རིགས་པ་ང་ལ་ཅི་ཕྱིར་ཡིན།། ཆོས་ཉིད་ཡེ་ནས་ངོས་གཟུང
218a5 བྲལ་བ་ལ།། བཏགས་པའི་ཐ་སྙད་ང་ཡི་ཆོས་མ་ཡིན།། རང་བྱུང་ཡེ་ཤེས་འགག་པ་མེད་པ་ལ།། བཅོས་པའི་སྐྱོན་གྱིས་ཡེ་ནས་གོས་པ་མེད།། གོལ་དང་མ་གོལ་ཚིག་གི་ཐ་སྙད་ཡིན།། རིག་པའི་རྒྱལ་པོ་གཞི་གནས
218a6 དག་པ་ལ།། བསྒྲིབས་དང་མི་བསྒྲིབ་ང་ལ་དོགས་པ་མེད།། སྙིང་པོ་གདོད་ནས་རྫོགས་སངས་རྒྱས་པ་ལ།། བསམ་གཏན་ངང་ལ་གནས་པ་དབེན་པའི་ཚིག་དང་བྲལ།། ལུང་དུ་མ་བསྟན་པའི་སྒྲིབ་པའོ།། རིགས་ཀྱི
iiif viewer powered by OpenSeadragon
